قالو لو انك بوش وش انت بتقول

[الحر الأشقر]

قالو لوانك بوش وش انت بتقول=قلت العذر مانيب قايل بسوي
في ساحة الشعار بحط مسؤول=يحفّز الشعار يعطي يقوي
وينظف الساحة من خبيل مهبول=يدخل على الساحة بليا تروي
يقول انا شاعر واصول واجول=واثره ولاشاعر ولاهوب نحوي
جزل القصيد يجيك مثبوت بالقول=والذيب يعوي والبساسه تموي
وبحط سجن (جوانت) في بر مجهول=احط فيه اللي قصيده يهوي
وبالله ياشعار ماهوب معقول=بعض القصيد يجيك يفجر يدوي
ونقول ماهوب شعر اقوال مسلول=ونعرف قصيدة كنز يحوي ويحوي
صح اختلاف الراي شي مجبول=بس الظليمه غير تقهر وتكوي
واخاف بكرة ياتي الفذ راوول=يدخل على الساحة بليا تروي

وسلامتكم

الحر الاشقر

[مهرة الصمان]

الحر الأشقر صح لسانك واعتلا شانك قصيدة جميلة
لاهنت وتقبل كل تحية وتقدير

[الحر الأشقر]

هلا اختي مهرة الصمان

صح بدنس

تقبلي تحياتي......,

[العجمـــيه]

الحر الأشقر

صح لسانك وعلا شانك

قصيدة في منتهى الروعه

بانتظار جديدك

تحياتي لك،،،

العجمـــيه

[الجويّر]

صح لسانك يالحر



قصيده جميله من شخص جميل