صبحكم الله بالخير جميع
يشرفني ويسعدني اني اشارك معكم لأول مره في هذي القصيده ولا تقصرون معنا تبي تنسيق
هالني بعض القصايد هيه يا مال القطيعه
لا تظن اني مع اهل الواطيه شاري وبايع
حن على حد النجم نبني مبانينا المنيعه
وانت مثل اللي بوسط الشعب بات الليل جايع
من زبنا فالشدايد والله ان ربعي ربيعه
وانت من يزبن على حدك يموت من الفجايع
الشكاله طبعنا ولانت ماهي لك طبيعه
وش تبا بالحرب وانته طول عمرك في متايع
خلها قالو ترى ما للذرى غير الوسيعه
وانت ضايع في زمانك واشهد انك صرت ضايع
جاك ردي والسريعه ما لها غير السريعه
صيتنا بين القبايل يا قليل الخير ذايع
والجهامه من ظلام الليل يا صيد الطليعه
جعل ما مثلك عدوي يوم نسري للودايع
26-01-2006, 06:09 AM
العرض الشجري