يمســـــيهم بـــكل خيــر
بيت اشتهر ... لشاعر شاب .. ثامر شبيب
ارفعك بيدي للسما ترجـع تطيـح
قلي شسوي فيك لا صرت واطي؟
.
لكن القصيده بكبرها غير طبيـــــعيه
تــــــــــــقول
لاجيت افكـر بالوجيـه المفاليـح
وفرقت بين الناس عالـي وواطـي
فكرّت بك ضمن الوجيه المشافيـح
متقلطن ببسـاط ماهـو بساطـي
علاقتـي ويـاك تحتـاج توضيـح
من شفت في بعض الامور اختلاطي
مثلك خطا يحتاج وقفه وتصحيـح
بيّن مثل تفريـق ماخـذ وعاطـي
ربيت من صغري على هبة الريـح
ولبست لي ثوبن كمومه اخياطـي
يوم انت تلعب في يدين المراجيـح
انا انطح الضيفان وافرش سماطـي
ماعابني لاصرت ظمن المجاريـح
اغلا جروحي بين الاظلاع ساطـي
العيب لاسقت القـدم دون تصريـح
وخليتهـا بـدرب الردييـن تاطـي
والمشكله انك تحرث النار وتصيح
اركد قبـل لافـك عنـك رباطـي
خابرك ماتبعـد قريـب المراويـح
زايد عن العالـم بكثـر الهياطـي
اكبر طموحك لا تعطـرت بالريـح
تطلع تمشى بين شاطـي وشاطـي
عندي سؤال وخابرن فيه تجريـح
لكن ضروري تسمعـه بانبساطـي
ارفعك بيدي للسما ترجـع تطيـح
قلي شسوي فيك لا صرت واطي؟.
وسلاااااااااااااااااااامتكم
29-01-2006, 07:10 PM
قلي..شسوي فيك لا صرت واطي..!!!!!
العرض الشجري