غروٍ زها بالجنز مايلبس الثوب

[جراح بن ضيدان العجمي]

قصيدة جديده متواضعه ارجو ان تنال اعجابكم

<----------- والله يعيين الهواويه





يامل قلبٍ غاديٍ فيه لاهوب
////من ضيقةٍ واسبابها سيد الاحباب
//
//
الجادل اللي سبّه النوم منهوب
////خلا دموعي من على الخد سكّاب
//
//
اصبحت انا في صوب والقلب في صوب
////من عقب ماقفى خاطري منه ماطاب
//
//
ولا اهتنيت بزاد ولا بمشــروب
////هالك ظما عطشان من بعد ماغاب
//
//
غروٍ زها بالجنز مايلبس الثوب
////ولا يعرف الشاه ولايلبس حجاب
//
//
ياغايتي ومناي ياعز مطلــوب
////ترى العمر دونك كما السم ينساب
//
//
ياكيف تنوي ذبحتي وانت رعبوب
////منك اتمنّا الموت ياعذب الانياب
//
//
الكامل الله وانت مافيك عذروب
////ياليتنا اقراب وانساب واصحاب
//
//
يابو جديلٍ فوق الامتان مسكوب
////يسبا النواظر كنه للعين نهاب ؟
//
//
وشفايفٍ فيها الشهد كنّه يذوب
////من ذاق منّه يشهد الله ماتاب
//
//
ولا العيون اللي بها الكحل مصبوب
////من شافها من سكرة الموت ماهاب
//
//
يازين يارقه وياحلو ياسلوب
////بعدك عذاب اقسى من طعون الاقراب
//
//
اقرب وشف حالي من الهجر مسلوب
////حالي نحيل وشاب راسي وانا شاب
//
//
اصبح معي للهم كاتب ومندوب
////يقفي الفرح ويدوّن الهم بكتاب
//
//
غديت كنّي للغرابيل مقضوب
////انوح نوح اللي وجس قرصة الداب
//
//
ماتوب عنك ياهوى البال ماتوب
////ماتوب عنّك لو على قطع الارقاب
//
//
لاصرت انا منّك مصوّب ومصيوب
////وش لي ادور بين هالناس لاصحاب
//
//
مير اتصبر والقدر صار مكتوب
////مكتوب لي درب المواجع والاتعاب
//
//
لامر لك طاري بكيتك ويادوووب
////تسابق الونات باسراب واسراب
//
//
لك في الحشا نارٍ من الهجر مشبوب
////ماتنطفي الا لالتقى الناب بالناب
//
//
في داخلي لك يابعد حالي (قروب)
////قلبي وروحي تنتظر من ترحاب
//
//
ارفق علي والعمر والوقت محسوب
////اخاف لايقفي وانا منك مرتاب
//
//
هيجنت لك قافي على لحن مسحوب
////عل الجروح تطيب والجرح ماطاب
//
//
صابر على ظلمك مثل صبر ايوووب
////لكن غديت من المقادير منصاب
//
//
اجامل وكني مع الناس مغصوب
////لو قلت غيرك طاب لي صرت كذاب
//
//
ماعاد ينفعني تداوي ولا حبوب
////قربك دواي ارجوك لاتقفل الباب
//
//
يابعد من حبيت يااحب محبووب
////وش تستفيد من الجفا قلي الاسباب
//
//
ومالوم قلبي لي غدى فيه لاهوب
//// من يوم شافك مقفي ياسيد الاحباب
//
//
//
جراح بن ضيدان العجمي
//
//

[نشميه القصيميه]

الشاعر...



جراح العجمــــــــــــــــــــــي...




الله يوفقك ويسعدك يارب، وصح الله لســـــــــــانك ملااايين...



إختك





نشميه

[مــايــهــاب]

السلام عليكم ورحمة الله وبركاته



الله الله عليك


يامبدع



بس مابك بلا يابن ضيدان



مع تحيات مايهاب لك بالتوفيق

[جراح بن ضيدان العجمي]

شااكركم والله لا يهينك على المرور

[نفر كويس]

صح لسااااااااااااااااااااااااااااااااانك مليون يا ابن ضيدان وربي ومايكفون

قصيده هيضتنا وهيضت كل عاشق واتحدى كل عاشق يقراها ولا يتهيض



ليتني شاعر بس ارد عليك

الله يعطيك العافيه يا ابن ضيدان انا اول مره اقرى لك قصيده واذا قصايدك بنفس مستوى هذي القصيده سجلني معجب ومتابع لقصايدك

الله لايهينك وعطنا من القصايد الهواويه كثر منها >> الاخ هواوي

اخوك نفر كويس

[عـزام]

الشاعر جراح بن ضيدان

هيضت نفر كويس علينا وش عاد يفكنا منه الحين

ابيات رائعه كروعة شاعرها

صح السانك ودام ابداعك

[محمد المحلكم]

صح لسانك



قصيده رائعه

[عيد بن شدقان]

الله الله الله
ياجراح
قصيده رائعه من شاعر رائع
صح السانك واعتلا شانك


ولاهنت

[العازف]

وشفايفٍ فيها الشهد كنّه يذوب
////من ذاق منّه يشهد الله ماتاب


الله الله ياجرااح
صح الساانك على هالابدااع
غااية الرومنسيه والووصف الاكثر من رووعه
لاااهنت فديتك