== هادي ولاغيره == رحمه الله واسكنه فسيح جناته

[لاداعي للاحراج]

هذه قصيده بسيطه مني ان شاء الله تعجبكم وهي اهداء مني لاخوي الغالي النفس طابت ولكل مراقبي ومشرفي واعضاء هذا المنتدى

يارب تنجينا من أهوال القيامه والجحيم = في وقت متغير ودنيا ماعرفت أسرارها
وشلون في هذا الزمن صار الصديق أكبر خصيم = والنيه السوداء على البيضاء طغى مقدارها
حتى الذكي في وقتنا الحالي يسمونه غشيم = ومن كثر حقد الناس حتى الارض جف امطارها
يارب وش ذنب اليتيم اللي نشى واسمه يتيم = ترمي به الدنيا مابين إبحورها وانهارها
مامر يوم إلا لقى في دنيته عبره وضيم = راسه عنيد ودنيته ترمي عليه أشرارها
الصبر مفتاح الفرج ياقلب خلك مستقيم = لاصارت الدنيا خطر مر وتعدى أخطارها
أنا الذي لو عانده وقته وشاف الجو غيم = يرقى على روس النوايف مايحب اقصارها
ياقلب لاتحزن على مافات وتحب القديم = ترى الليالي خاينه محدن يعرف اقدارها
مرات يقسى خاطري واقول له خلك حليم = ماعاش من طاع الرجال الهينه وأشوارها
بعض البشر لو يلبس انواع المصانف والحطيم = ماتستره كل الثياب اللي يجر اوزارها
انا تحديت الزمن من توني طفلن فطيم = والصقر بالجنحان يعرف والرخم باوكارها
وانا ولو ماقلت انا يشهد لي المجد العظيم = ماطحت في دنيا الردي لو طالني تيارها
من فضل ربي ثابت الكلمه وتفكيري سليم = مازعزعتني عاصفة وقتي وزود اغبارها
لو كانت الدنيا صور ماكنت بالدنيا مقيم =ماتنفعك صوره بلا سيره تعيش اخبارها
حنا رقينا فوق نجم اسهيل والهايم يهيم = نترك هزيلات العلوم وغيرنا يختارها
حنا الى منا ضربنا ضربنا وسط الصميم = حنا الرجال اللي في الدنيا رفيعن كارها
حنا الشجاعه والوفاء والعز واولاد الكريم = حنا الجبال الراسية حنا السماء وامطارها
متعلمين من الشجاع الصارم العدل القويم = هادي ولاغيره زعيم اصغارها واكبارها
الفخر لاصحاب الكرم والعلم للعقل الفهيم = وانا جمعت بدنيتي فخر العرب وافكارها
رساله ارسلها لاعز الناس من وسط القصيم =عساه يذكرنا بها دام العرب باذكارها

وسلامتكم
اخوكم الصغير لاداعي للاحراج * عبادي *