السلام عليكم
البعض من متذوقى الشعر تأسرهم الناحيه الفنيه وثراء الابداع فى هندسة
القصيده وقوانينها التى لاتقبل الاختراق والا لفقدت كل جمالها ....
وهذا شى جميل الا ان الاجمل هم من يدركون ان القصيده بناء شامخ ومحتوى
ومعنى والذى هو روح القصيده ... وحتى يكتمل الامر لابد ان الممدوح مثلا
تنطبق عليه معانى القصيده .. وهنا ياتى التكامل والتطابق عندما يطابق الواقع
ما تعنيه القصيده ......
وعندما لايحدد احد فى القصيده فان كل من تنطبق عليه معانى القصيده هو المقصود بها
نحن معشر المتذوقين البعض منا عندما تشده القصيده بفنياتها ومعانيها يستعرض
فى مخيلته مشاهير من اقربائه او عامة الناس ممن يقول (والله فلان كفوه هاالقصيده )
والقصيده ادناه اعجبت بها وقرئتها اكثر من مره واقول ياهنى من تنطبق عليه
ومتأكد ان اكثر من شخص من اعضاء المنتدى ممن تنطبق عليه هذه القصيده
اولا حبيت اهديها للجميع كا اهداء خاص ....
وبدون قصور من الجميع اسمحو لى ان اخص اخى العزيز
قرقاص بهذه الرائعه لانها ستعجبه ان شاء الله....
اختـار سمحـات الـدروب النظيفـه=اللي غسلها رايـح المـزن برشـاش
يمشونهـا قـوم النفـوس الشريـفـة=اللي ضمايرهـم نقيـة كمـا الشـاش
ابيوتهـم مثـل الحصـون المنيـفـة=ما هي لطير البوم غيران واعشـاش
وحلالهـم للضيـف دايـم مريـفـه=لو رجلهم يسرح ويضوي على مـاش
والرجـل منهـم مـا يخلـي رديفـه=إن ما ت مثله مات وان عاش له عاش
وان مات منهم رجـل عقـب خليفـه=يطعن نحور القـوم ويـرد الادبـاش
يعرف هدف روحه ويعـرف وليفـه=ما يعرف الخونـة ولا هـو بغشـاش
وليـا رزقـه الله بعـذراء عفيـفـة=ايحطها مـا بيـن نونـه والارمـاش
ماهو علـى الخفـرات يستـل سيفـه=وان طالعوا فيـه الرياجيـل ينحـاش
حلـو النبـا سمـح المحيـا لضيفـه=ويصير لـه خـادم مسخـر وفـراش
وان مـد مـا مـدت يمينـه قصيفـة=مدت يمينـه تبهـر الخبـل والـلاش
واليا هـرج تلقـى علومـه طريفـة=ما هـو لهفـوات المناعيـر منقـاش
وان شبت النيـران مـا هـو بليفـة=في ساعة الكربـة سـواي ورشـاش
سده بعيد ولا أحـد يعـرف غريفـه=ولا هو لعرض المكرم العرض نهاش
والشوك في جنبـه سـوات القطيفـه=إن كان ما له بيت مامـون وافـراش
ما يرتكـي فـوق الخبـول الضعيفـة=اللـي ليـا حركتهـا قدرهـا طـاش
وان جـا نهـار كـل قـرم يعيـفـه=ما هو ليا ثارت على القـوم رمـاش
الكذب يعـرف بيـن الأجـواد زيفـه=والصدق مثل السيف صاطي وحشاش
وصحيفتة يـا طيبهـا مـن صحيفـة=ولهـا مـن العقـال كاتـب ونقـاش
حـاز المراجـل والمراجـل كليفـة=الا على اللي كل مـا رامهـا هـاش
وان شاف له من جانب القـوم خيفـة=تلقـاه للخيفـة مهـاجـم وبـطـاش
الصدق والمعـروف والطيـب كيفـه=ويغبش لها مع طلعة الفجـر مغبـاش
للحمـل مـا تلقـى جنوبـه صخيفـة=حوله بروق تعمـي العيـن وافـلاش
يصبر على جرحـه ويمسـح نزيفـه=طبه بشبه خير مـن طـب الاحبـاش
ولا هو كمـا سبـع سنونـه ضعيفـة=دايـم يلحسهـا وللعـظـم عــراش
وان شاف له في غيبة النـاس شيفـة=ما هو بخبل لاخضر العـود قـراش
دنيـاه لـن صـارت ذلـول عسيفـة=طوع علهيـا كـل عاصـي ونفـاش
وان كان قفـت مـا عليهـا حسيفـة=ولا هو ورا هوج المعاصيـر قشـاش
وان جاع ما وقع كمـا طيـر جيفـة=وان عري ما يلبس سماليل وأخيـاش
واذا لم تخنى الذاكره هى للشاعر الكبير مطلق الثبيتى رحمه الله
.
15-04-2006, 01:38 AM
العرض الشجري