يام ياستر العذارى والطعون ؟!!؟

[النقال]

قصيدة الشاعر العملاق علي بن الدعيّة المري المشهورة في قبيلته العزيزة يام.

أتمنى أن تنال أعجابكم وأستحسانكم:

ياسلام الله على يـام حمـران العيـون=
عـزوةٍ ماكـل عـزوه توقـف ضدهـا
يام ياستر العـذارى موسعـة الطعـون=
وقفـة الرجـال فـي لازمـه لابـدهـا
ونا والله ماحداني علـى بـدع اللحـون=
لينكم تبنـي بيـوت الشعـر واعدهـا
كون ابراسلك يا الصاحب اللي في ركون=
هضـةٍ فيهـا الهبايـب يلعلـع ندّهـا
هاك ياهدهد اسليمان جعلك مـا تهـون=
ودها بالطيـب بالغصـب يعنـي ودهـا
ودي أراسلك يا صاحبي واللـي يمـون=
ياخذ اعلـوم النشامـا ويرسـل ردهـا
ياصحيبي مايشـل الثقـال إلا المتـون=
وانت قد اسلـوم الأجـواد وآنـا قدّهـا
أدري انك رجل واحصان واظنونك اظنون=
وادري انك اتلوم الأيـام وانـك تعدهـا
وادري ان هموم بقعا على ما تشهـدون=
الله يلعـن والديهـا ويلـعـن جـدّهـا
دورت الأيام حتى على الذيـب الفتـون=
بيّحت سـده عسـى الله يبيـح سدّهـا
عقب ماهو يجذب اعواه ويحد السّنـون=
اختفى حتـى اسنونـه معـاد إحدّهـا
والجمال إلي مـن اول تقـدم بالظعـون=
عودت في تالـي الوقـت تاكـل بدّهـا
اسمعوا يلـي تقولـون مـالا تعلمـون=
لحيـة الرجـال عيـبٍ عليـه اكدّهـا
وانت يلي كل ما جيـت لدّيـت العيـون=
لد عيـن وعيـن طعنـي لعـاد اتلدّهـا
ابك حنا يـام وشّـام حمـران العيـون=
عزوةٍ ما كـل عـزوه توقـف ضدّهـا
ان وقفنا في المواقيف صعّدنا الجنـون=
وان مشينـا كـل رجـلٍ تجـوّد حدّهـا

تقبلو تحية أخوكم المخلص للمنتدى الغالي


النقــــــــــــــــــــــــــــال