|
الطيب كايد..والمراجل تبي ذيب
[align=center]لاندعي العرف
.
.
.
.
.
.
الطيب كايد....والمراجل تبي ذيـب=والعرف بيّن....واكثر الناس تخطيه
والجود "سنّده"....والخطاوي تجاريب=والصمت هيبه....والعزاوي مشاريه
والجمع قوه....والتفـرق عذاريـب=والشور رجمٍ....والمناعيـر تلفيـه
والصدق بيته....مرتفع بالمراقيـب=والكذب يهدم....مارتفع من مبانيـه
والصيت حاكم....والجماله مواجيب=واللي فعل....بنفس فعلـه تجازيـه
للطيب طيب....وجزوة الطيب بالطيب=ومنهو تردا....اخير منهـا تخليـه
من لافزع في حزة الخوف والريـب=ماينبغالـه حـزة الخيـر تـدويـه
والنفس ماتشرب جميع المشاريـب=ولاكل رجلٍ يـارد "العـدّ" يرويـه
والعبد طرقي....والليالي معازيـب=والعمر فاني....وقطعة قماش تاليه
يالله طلبتك تغفـر الذنـب وتثيـب=يالواحد..المعبود..والخلـق ترجيـه
الرازق..المنان..ياعالـم الغـيـب=الوالي..الرحمن..والكـون بيـديـه
تغفـر لعيـنٍ قوتـه بالمساكيـب=اليا انتهى دمعٍ يجـي دمـع يتليـه
الخوف والله من زمـان المطاليـب=دنيـاً تحـدن يـم شـيٍ فلاابـيـه
خوفي من الزلات خوفي من العيـب=الرب يستر...لكـن الخلـق تبديـه
وكم خافيٍ مع طول الايام مايغيـب=لابد يطلع لو مضى وقـت مخفيـه
منقول
( اخوكم فارس شمر )
التعديل الأخير تم بواسطة عيد بن شدقان ; 05-05-2006 الساعة 06:45 PM
سبب آخر: تنسيق القصيده
|
05-05-2006, 06:26 PM
العرض العادي
