أضرب على Google وعطني علومه ,,, مالك ومال مجمعيني الكلامي
وليا غدا لأسمى الرجاجيل حومه ,,, فالمعمعه مثل الجراد التهامي
أحدٍ يبيع رخيص واحدٍ يسومه ,,, اتحصل اسمي مع كبار الاسامي
وشعري ليا مرّ بخشوم معرومه ,,, يطيح من عوج الخشوم العرامي
وقل : للمغفل لايواصل هجومه ,,, ترى نظامه يختلف عن نظامي
مابيني وبينه نقاش وخصومه ,,, مخاصم الجهال عيب وحرامي
لعل جسمه يسترنه هدومه ,,, ويجوز عن طرد الهوى والغرامي
شِعره يغذيه الترف والنعومه ,,, ارهف من النسمه وريش النعامي
وشِعري بحر ماكل رجلٍ يعومه ,,, انشد خلف وانشد رشيد الزلامي
قل من هو اللي ماتثّـنى عزومه ,,, اليا احتمى الميقاف والشِـعر حامي
مثل السحاب اللي ترادم غيومه ,,, من لا حتمى دوره عليه الملامي
في موقفٍ محد يخلي لزومه ,,, كلٍ تلفت للفشق والحزامي
أحدٍ تفاخر به ربوعه وقومه ,,, واحدٍ مع الزحمه عليه السلامي
هذي رساله مبهمه ومختومه ,,, معها جزيل الشكر والأحترامي
وتمت لشاعرها { سلطان بن وسام الهاجري }
14-05-2006, 02:07 AM
العرض الشجري