رساله (وفهم يافــــــــــــــــهيم) وجنب ادروبي

[حمد المخيال]

أذكروا الله
وصلوا على النبي

يامدعي بالشعر قافي علوّى = واحفظ معاني القاف لا يصيبك احراج
لا تربط القيفان عقب(ن) تلوّى = وتصيح عندي تبغي اليوم مخراج
دخلت نار ولازم انك تكوّى = انا سجن مثلك ويابعد الافراج
اعلم احروفي باليالي تضوّى = للي غشيم(ن) كنها طلق ميراج
تقصف غشيم الشعر وبيته اتدّوى =من عقب كهربكم تسجل على سراج
عندي نصيحه توها لك تسوّى = اللي كتبته احفظه وسط الادراج
لا تنطح العالين وانت اتّهوّى = تطيح يالمرجوج من فوق الابراج
ليتك تقابلني ياليت وحلوّى = تدري كلامي صدق مانيب هراج
بيت(ن) صنعته اسمعه لا تدوّى = ابدعت في فنه بتأليف واخراج
حنا مع الأشعار صحبه وخوّى = نقيم الكلمه وتجري ابمدراج
الشعر يدعينا ومعنا يتقوّى = ومن غيرنا الأبيات كسر(ن) مع عراج
انتهت الرساله

[غازي الرسمان]

الله الله الله

لله درك ياحمد

جزله من شاعر جزل

صح لسانك

[مهرة الصمان]

حمد المخيال قصيدة رائعة كعادتك لاهنت وصح لسانك مليوون ولا يكفوووووووون



تقبل تحيااااتي وبانتظار ابداعك

[حمد المخيال]

غازي الر سمان

صح الله بدنك

تشرفت بردك

[حمد المخيال]

المهره

والله لاشفت ردش انتي والغالي غازي الرسمان

وش عاد ابغي وألتفت وراي

الله لايحرمنا تواجدكم

تقبلي تحياتي