اخواني واخواتي الاعزاء في هذا المنتدى الشامخ بتواجدكم
اسعد الله جميع اوقاتكم بكل خير
اضع بين ايديكم هذه القصيده المتواضعه واتمنى ان تحوز على رضاكم
صلوا على النبي
مادمت شاعر واكتب احساس للناس= وشلون ماتطلع بيوتي جزيله
لاني اجيب الجزل في وصف الاحساس = والا الهزيله مانحب الهزيله
والجادل اللي حبها ماله اقياس = انشهد انها وسط قلبي عميله
اهدي لهااا عقد الغلا لول والماس= واكتب لها احلا البيوت الجميله
فازت على كل الغنادير بالكاس = وصارت على قسم الدلاعه وكيله
ولاجيت اوصف حبها وسط قرطاس = عجزت دوواوين القصايد تشيله
حبي لها تاجٍ تحطه على الراس= واصبح مثل بين الخليل وخليله
وان كان تغلب ثارت لفعل جساس= باثووور انا لجل العيون الكحيله
اللي غلاها وسط قلبي على ساس = ان حبهااا غايه وليست وسيله
وارموش عيني جيش عسكر وحراس = من عقب ماصارت بعيني دخيله
شيخة تفاؤل حب ماتعرف الياس = ولالهاا بين الحنايا عديله
والله لو الوضع ماهوب حساااااس= لامشي طريق اللي مضيع دليله
منهاا عرفت ان الغلا ود وحساس = ومنها عرفت ان الاصيله اصيله
واللحظه اللي جات وتقول لاباس= واقول انا مالي على العشق حيله
بس احفظي لي بيت باهديه للناس = يمكن يهدي قلوب ناسٍ عليله
هي بنت وحده حبهاااا ماله اقياس= وتسوى من الشعب الخليجي قبيله
17-05-2006, 03:08 PM
العرض العادي
