<<لا صار شعري معنز ٍ له على سـاس \\ ما همنـي هـرج النفـوس السقيمـه >>

[قبلةالعجمان]

مرحبااااا

يا طرق لا تشره على ضيق الانفـاس=ويا قاف لا تشـره علـى قـل قيمـه

لا صار شعري معنز ٍ له على سـاس=ما همنـي هـرج النفـوس السقيمـه

واليا ارتكت زله على قلـب حسّـاس=مـا عـاد فيهـا يالصـدور الحليمـه

رفعت نفسي عـن غثـا كـل بـلاس=مـا جيـه لـو لـزّم علـي العزيمـه

ما عاد لي ما بين الانجـاس مجـلاس=لان العواقـب مـن وراهـم وخيمـه

كلامهم مـا بيـن ظاهـر و دسّـاس=يعني افهمو ياهـل العقـول الفهيمـه

كلامهم بأعـراض الاجـواد كالفـاس=لهـم جوايـز فـي فنـون النميـمـه

استبيحـو زرع ٍ تـرجـاه غــرّاس=ومـا قدمـو حتـى الكسـا لليتيمـه

لا والذي يحيي و يفني مـن اجنـاس=ما شحـت يديـن الخصـال الكريمـه

القلب ما شال البغايض علـى النـاس=النـاس فيهـم طيـب ٍ لـه حشيمـه

اللي اذا جاه الخـوي خفـف البـاس=يفرح و قلبه ضاحـك ٍ لـه صميمـه

بشوش وجـه وحايـز ٍ كـل نومـاس=حـلال سـود المشكـلات العظيـمـه

اليا حظر كل ٍ نطق ( حي هالـراس )=فكـاك مـا بيـن الغريـم و غريمـه

شوق الهنوف اللي زهى صدرها الماس=اليا اعتـزت عـزو اهالـي خصيمـه

الوافـي اللـي للطويـلات عـسّـاس=الله علـى روس الرفـاقـه يديـمـه

ماهو من اللي يتركك وقـت الافـلاس=و لو زاد مالـك رفقتـه لـك مديمـه

لاباس لو قفـى عـن الكـون لابـاس=مـا يفقـده فـي موتـه الا حريمـه

فيصل ترا همي غدا اخماس واسـداس=والوقت ما ينفـع بـه اكبـر شتيمـه

تدري وش العن شي يطعن بالاحساس=ان الوفـا يجحـد ومـن دون شيمـه

اصبر على همي و غمي و الامـواس=في وسط قلبي تبـدع اعظـم جريمـه

من المراره ذقـت كـاس ٍ ورا كـاس=وغرقت في بحـر الاسـى والظليمـه

اكبر قهر وسط الامـل تاصـل اليـاس=وفي داخلك ديمـه و روحـك محيمـه

وسلالالالالامتكم


مطلق الجبعاء ~