((بــــــــــــرزان التـــــــــكريتــــــــي))و مخمــــور

[سالم محمد اليامي]

يسعد صباحكم يالربع


اذكروالله

وصلو على النبي

والعنو بليس

بسـم الله الرحمـن الرحـيـم

السلام عليكم ورحمة الله وبركاته


الصـدر ضايـق وعـاد الدمـع غرقنـي=والشـوق هـز الخفـوق وقـام ينخانـي
قـد قلـت ياقلـب ريحـنـي وروقـنـي=لكـن اخبـرك كــذا دايــم تحـدانـي
اليـن صـار العـذاب المـر يشنقـنـي=وصارت دموعي تحيـر بوسـط لجفانـي
للجـادل اللـي غـلاهـا دوم يلحقـنـي=ياهشـم كبـدي علـى مدعـوج لعيانـي
وياطر جيبي من اللـي عـاش سارقنـي=مـن بيـن ربعـي وعمانـي وجـدانـي
لا قلت لـه روح عـن دربـي وفارقنـي=كنـه يـقـارب خطـاويّـه وينصـانـي
وأن غـاب عـن عينـي الله لايوفقنـي=كـن احمـر المـوت والقـدره توطانـي
وذات لـيـلا تـذكـرتـه فطـوقـنـي=((تطويق بوش وجيوشه بيت برزانـي))
اسلاحـه الرمـش والخديـن ترهقـنـي=رمشه وخـده سبايـب كبـوة أحصانـي
واصبحـت اسيـره يغربنـي يشرقـنـي=وصـار يتأمـر علـى كيفـه وينهانـي
مانـي بساكـت ولـو حبـه يمزقـنـي=مادام بالشعر عنـده ((يرطـن السانـي))
باخفـف حمـول متنـي عنـد بايقـنـي=واسـري علـى درب ياليحـي وليحانـي
مـادام قلبـي مـع العـشـاق يدفقـنـي=((وفي وسط راسي طناخة غمر حبصاني))
بـاذوّب عـروق قلـبـك يامشوقـنـي=واسقيك ماطـاب مـن فكـري وقيفانـي
اليـن تصـرخ تقـول أفـلان احرقنـي=وفي لحضه اغرقنـي بشعـره وسرانـي
يابـو رمـوشٍ لمـا سلهمـت تقلقـنـي=ويابـو عيـونٍ مـلاذ المجـرم الجانـي
خذني معك ضيف فـي قلبـك وسوقنـي=لبـى عروقـك ولبـى بيـض لوجانـي
ولبـاك يالـي هـواك الـذرب ماحقنـي=احـس كنـي معـك فـي عالـمٍ ثـانـي
ولـبـى معالـيـق قلـبـك يامعلقـنـي=ياللـي منسيـنـي الدنـيـا وخـلانـي
احـس كنـك معـي دايــم ترافقـنـي=بالمختصـر انـت عنوانـي واوطـانـي
وان كان قلبـك نـوى يازيـن يعتقنـي=مانـي بناسيـك واحـذر بـس تنسانـي
ولا أنـا باطلـب الرحـمـان رازقـنـي=فـي حبهـا يالله انــك زود تبـلانـي
((أمطرتَ شعراً وليـل الشعـر أغدقنـي=مخمـورَ شعـراً كمـا نـزار قبـانـي))
اطـورق الشعـر لـكـن مايطورقـنـ=يالعـب علـى هيبتـه واهيـن عدوانـي
كلـه لجـل عيـن ذكـرك يامشوقـنـي=وغيرك ترى يبشـر بصـدي وهجرانـي

وســـلامـــتـــكـــم
الـــــــــــــراوي