{{{ ارهااابي ومجرم ومطلوب}}}

[محمد فهد العرجاني]

صبحكم الله بالخير والعافيه والعلم الطيب


وذالقصيده مهدااه للي قلوبهم خضر بس اما المطاوعه والشيبان واللي على حد الشيبان مالهم سنع ويبشرون بالعوض


صلو على النبي,,,,,,,,,,,,,,,,,,,,,,,,,

خذيت في الدنيا مشاوير ودروب= وذبـيّت روس النايفات العسيره

مافاتني في الطيب معرض وماجوب=رجلي على درب المراجل مغيره

لكن تريـّح ياصغيـّر ياحبـّوب= منت بحكم بين الوجيه السفيره

اسمي مع(لستة) هل الطيب مكتوب= وهذا يكفـّيني ولا لي بغيره

ولاّ البن آدم فيه ميزات وعيوب= والرابح اللي له مع الطيب سيره

يامن لقلبٍ كل ماقلت له توب= من الهوى عيـّا يعدّل مسيره

كنـّه على درب الغنادير مغصوب= لا اخلف من الجازي ماضيـّع منيره

يتوه في حب المزايين ويذوب= ولامن عذلته قال هذا مصيره

لاشاف له زولٍ مرتـّب ورعبوب=وعليه وِسع عيون واشقر ظفيره

وخصره ليا شفته تقول انه محجوب= من الزّاد أو عنده مشاكل خطيره

أثره كذا خلقه معزّل وموهوب=وعنده تحكّم في النقاط الشهيره

والطول نايف والجسم كنه مصبوب=من شاف وضعه حاس ربي مريره

وهذا البلا ياناس والزين مرغوب= وش سوت بالشيبان (غمزة سميره)؟!

وقلبي انا ماهوب عكسي ومقلوب= يقدم على العسره وتصبح يسيره

أحيان يفوز وبعض الاحيان مغلوب=لكن حرام انه مايذخر ذخيره

يصبح بصوب وكل خلق الله بصوب= إلين يريـّح في المحبه ضميره

حتى غدى ارهابي ومجرم ومطلوب = في كل قاع يطبّها وكل ديره

هذا عذيريبي ولاهو بعذروب= من قبلي (كنسل)في المحبه سفيره؟!!

الحب من عهد النبي نوح وايوب= يشب في وسط القلوب السعيره

ومن يكره يجيله مع الناس محبوب؟!!= إلا اللي سيفه ناشبن في جفيره

ورجل ٍ يشوف الزين ولاهزّه بنووب!!=في حد علمي اعتبرها كبيره!!!

ولو يفحصوا قلبه على الميكروسكوب= لقوه ميـّت جعل في الامر خيره



وسلامتكم وتعيشوووون والسموحه على القصووور

ودعتكم الله