السلام عليكم
أخواني / أخواتي
لكم هذه الرائعه وأمُل أن تنال أعجابكم وأستحسانكم
كبوة حصان ..
لا عاد تنشد..!! مابقى عندي علوم = كل العلوم المبطيات تخبرها ..
ماجيتك أشكي ميلة الوقت مزحوم = نفسي ليا ضاق المدى ما اخسرها
ياصاحبي كنت أمس.. كنت أمس .. محشوم = واليوم هجٌ بجيتك وأختصرها
خلك بعيد أبعد من العام لليوم = وأدنى من أحلام النجوم وَ قمرها
بعض الكلام اللي تحليه مسموم = وما كل كفً صافحتك تغدرها
كم طيبٍ ساقتهَ الأقدار لرخوم = وياكم ناسٍ تنخدع في صورها
والحرٌ مايشره على خنعة البوم..!! = الله رفع شانه ووطا قدرها
لوجيتني كنك على الوجه ملطوم = بعض الخطايا عذرها ما غفرها
عندي تساوت هرجة العذر واللوم = هذيك ما أبغاها وذيك أحتقرها
زله وعدت ماحدتني عن النوم = مرت سلام وبعد الله كدرها
أنا أعتبرها كبوة حصان ويقوم = وأنت أعتبرها زيٌ ماتعتبرها..!!
_____
وسلامتـــــــــــكم
للمُبدع/
مساعد الرشيدي
تقبلوا تحياتي
أخيكم
25-05-2006, 02:19 AM
العرض الشجري