[ زينات عرســـــــــه ]

[عجمي في لبنان]

صباح الخير ,,,

عمر القلوب البيض ماتنقلب سود=وانا على النيه اسوق اخطواتي
لا والله الا ادبر الحظ ياسعود=واهل القلوب السود هدو حياتي
عزالله انه حطله بيننا احدود=وانكر ليالي بالهنا ماضياتي
مريت بيته ناوي القرب ملهود=عقب التغرب جيت ابروي ضماتي
لقيت داره ممتلي ناس واعقود=وزينات عرسه كلها مولعاتي
ليتي قبل ذا اليوم ميت وملحود=وكل الجرايد اعلنت في وفاتي
عزي لحالي واكثر العالم ارقود=وانا من اللوعه اجر احسراتي
ول ياهمومن كنها ضرب بارود=ودنيا على اللوعات والشين جاتي
الدمع ساح ولا بقا عندي اسدود=والقلب يكفخ داخل الصدر ماتي
عديت عقبه خالي الجو مضهود=جو (ن) ظلام مالنجمه ضواتي
وقمت اتوجد واذكر ان بيننا اعهود=ياوجد حالي وجد منهو سواتي
وين الكلام وتفرش القاع بورود=وينها احبك وين كلمة حياتي
ياسعود تكفا طالبك روح ياسعود=قله حزين ايقلب الذكرياتي
وياسعود قله لصبح الحال مهدود=قله بشووووفه يمكن ان قلت ياتي
وان مت قبله والا ماكان موجود=قله احبه وبلغه في وصاتي
وخلوه يقرا سورة الحمد بركود=ويذكر دعا الميت من الواجباتي
واكتب على قبري بلا نقص او زود=عقب المفارق عفت حتى حياتي

وسلامتكم