تكفون ياهل الخير@@@

[حمود بن فطيس]

تكفون ياهل الخير خلوني انوح
على الذي ماجاب للهجر سيره
ماظنتي بالقا مع الغير مصلوح
اموت وقلبي ماتشقوا بغيره
بعض المواجع تاتي القلب وتروح
الاوجع فرقاه ماراح ديره
وكثر الحكي زود على جروحه جروح
والله يعلم ويش تالي مصيره
ذقت العنا والحب مايعتق الروح
وضيعت باقي حيلتي والبصيره
وياصاحبي قلي انا وين اباروح
من عقب ماضاقت علي الجزيره
امن اول(ن) وياك في هرج ومزوح
متغاني(ن) من لابتي والعشيره
واليوم دمعي فوق الاوجان مسفوح
لاشك حلوات الليالي قصيره
ليتك طعنت القلب واقول مسموح
ويصير بعدك عقب لاماك خيره
المشكل انك وافي(ن) تكتم البوح
وتقول للناشد علومي ستيره
ماودك انك تصير في وضع مفضوح
للي يحطون الصغيره كبيره
صحيح انا قدني من الحب مطروح
واسج من شره اليا اونست خيره
ارضا وانا برضا بما كتب فاللوح
هذا الصحيح وعل فالامر خيره

للشاعر:فيصل بن عامر بن نوطان
تقبلوا تحيات مودعكم

حمود بن فطيس