بسم الله الرحمن الرحيم
مساااااء // صباااح الخير للجميع
أضع بين يديكم هذه المتواضعه
سالت دموع العين عقب فرقاك=والصدر ضاق ولا بقى فيه حيله
وش حيلتي لاغبت عني وأنا أبغاك=ماعندي إلا خالقي بشتكيله
أنت الرفيق اللي على الطيب ممشاك=وأنت الصديق اللي تساوي قبيله
روح عسى ربي يسهل بمسراك=الدرب توك والمسافه طويله
بوصيك لاتسرع وهون على خطاك=والأرض ماخلقت بيومن وليله
وأوصيك لا تترك صلاتك وتقياك=صلاة ربي كلنا ننحني له
وأوصيك في من قد تعب لك ورباك=أبو شال حمول عنك ثقيله
ياما سهر شافك مجرد وغطاك=فضله كبير وردته مستحيله
وأمك لها شان بحياتك ومنشاك=تسعة شهور فبطنها تحتمي له
باسة على خدك وباسة بعلباك=وتقول يالله لاتجيب الخذيله
أرجوك وأطلب وأتفدى وبنصاك=تسمع وصية خل يوصي خليله
وسلاااااااااامتكم جميعا
07-08-2006, 01:20 PM
العرض الشجري