اخواني اعضاء منتديات بني عمنا هذيل البقوم
السلام عليكم ورحمة الله وبركاته
هذه مساجله شعريه بين الشاعر صقر الصقر والشاعر محمد بن عباس الطريفي تعبر عن معناها 0
يقول الشاعر / صقر الصقرالبقمي في قصيدته التى وجهها الى شاعر التعليم والحميا ابن عباس /
يامحمد اقرا كلامي فـى القراطيسـي =وافهم رموز الكتابـه مـن معانيهـا
واخذ مع القاف لك بعض المراويسي = تمشي سهلها وتبـدي فـي مباديهـا
صدري لو انه من صدور السناعيسي = ضاقت به علوم ناس(ن)من دواديهـا
الحق يظهر ولو جـا فيـه تدليسـي =واللي يجيب السوالف لـك يوديهـا
ودار(ن)بها اخبار جابوها العساعيسي = واعلومهـا بيـن قاصيهـا ودانيهـا
والبوم ماهوب فـرخ(ن) للقرانيسـي = والله خلقهـا وسـوا اللـي يحاليهـا
وانته مـدرس ولاتحتـاج تدريسـي = تعرف مجانينها وابخـص بصاحيهـا
والكيف مايضبطه غيـر المقاييسـي = والا طفح مرها من فـوق صافيهـا
والبن لو زاد حمسه فى المحاميسـي = زوّد سـواده علـى نار(ن)يصاليهـا
والفار دايم حياتـه فـى الدهاليسـي = وسط الجحاره تكاثـر فـي مرابيهـا
معيشته فى الزهاب وفى الهداريسـي = يقطع وينطل ويسري مـع مساريهـا
ماهو بقاطـع بعيـدات المراميسـي = ولاهو مربح احلال(ن)عيشتـه فيهـا
في حلتـه دوم يقبـس باالمقابيسـي = وان كـان شبـت توخـر مايلاقيهـا
دايم هروجه هروج اهل النخابيسـي = وارجي من الله عسى خلقه يشافيهـا
اهل العقول الصخيفـات المفاليسـي = اللي على الطيب ماحفيـت سماريهـا
يمشي مع اهل النميمه واللساليسـي = واهل الرخامه على السكـه يباريهـا
دنفوس في حالته وصف الدنافيسـي = من قمة الراس الى سافـل مواطيهـا
يتبع هوا النفس بعد اقتـاده ابليسـي = على الرخامـه يفلـي فـي مفاليهـا
ماني مجامل كثيريـن الحساحيسـي = لكن مـن خرجهـا بانـت مواريهـا
الله يلعنـك ياكـثـر الوساويـسـي = عطلتي الناس عـن باقـي هقاويهـا
وصلاة ربي عدد هـب النسانيسـي = واعداد هب الهبايـب مـع ذواريهـا
على نبي(ن)سطع مثـل الفوانيسـي = وسط الدجا وانورت مظلـم لياليهـا
وقد رد الاستاذ الشاعر / محمد بن عباس بهذه القصيده الرائعه والتى تدل على تمكنه 000
البارحـه يـوم خمنـي هواجيـسـي = أزريـت مـن قـوة التيـار أهديـهـا
عانقت فـي جوهـا لنـدن وباريسـي = أسبح بحرها وارسـي فـي موانيهـا
شفت القصيدة على بيض الكراريسـي = ومن فرحتي قمـت الحنهـا وأغنيهـا
يامرحبـا عـد ذعـذاع النسانيـسـي = واعداد برق السحابـه فـي مناشيهـا
ياصحابنا أهل الوفاء وأهل النواميسـي = اللي على العـز حاضرهـا وماضيهـا
والبيت ماينبني مـن غيـر تأسيسـي = واللي يسيـس بيـوت العـز يبنيهـا
وصقر الصقر بالمشاعر والأحاسيسـي = يطرح قضية وابـن عبـاس قاضيهـا
وكرست جهدي على الموضوع تكريسي = أخاف مـن غلطـةً مانـي براضيهـا
وراجعت كـل المعاجـم والقواميسـي = ابحث حلـول القضيـة قبـل نبديهـا
وأصرف القاف واقوله علـى كيسـي = وانظـم قوافيـه وارتــب معانيـهـا
والجـو مايخلفـه غيـر التضاريسـي = لكـن ربـك ليـا صعبـت يسويـهـا
بعد انتهاء عصر الابطال الاشاويسـي = بتضيع سحم الذيابـه مـع حصانيهـا
وطاحت قرون الوعل والثور والتيسـي = اللـي تصـادم جـبـالٍ ماتقاويـهـا
مير اترك السيـخ عبـاد الجواميسـي = اللـي بعضهـم اليـا ماتـت يعزيهـا
والكسر ماينجبر مـن غيـر تجبيسي = جود حـزام الجبـيـرة لاتخليـهـا
ودامك تعرف الحصان وتعرف السيسي = خـل البهايـم تفلـي فـي مفاليـهـا
واللي قضى وقته هموم و وساويسـي = يمكـن يضيـع صلاتـه مايصليـهـا
والبنـدق الـي تثورهـا النواديسـي = ماتطرح اهدافهـا لـو كـان ترميهـا
ولال الورق يلزمـه غيـر الدبابيسـي = حـط الملفـات واجمـع ماتبـي فيهـا
وانا اعرف ان شمر رجال الكناعيسـي = اهـل المواجيـب وبعيـده هقاويـهـا
ماتلتفـت للمهـبـل والجواسيـسـي = اللـي اليـا جابـت الهرجـه توديهـا
اللي بعضهم يشيـل العجـر والفيسـي = نـاس تشـب الحرايـب ماتطفيـهـا
والصبـح رد الخبـر لأبـو قرانيسـي = الشاعر اللي بيـوت الشعـر حاويهـا
وانا الهـوى جالـه بقلبـي نباريسـي = بنـت الكحيـلا تناديـنـا واناديـهـا
وسلامتكم
02-09-2006, 03:37 AM
العرض العادي
