وين أنت ؟!!

[أشهب الـلال]

السلام عليكم ورحمة الله وبركاته





بعد إجازه قصيره أقف على عتبات منتدى الشعر العام .. وأنا أحملُ لكم قصيده..

جعلتني في لحظة سماعِها أصفق بحراره لأبداع شاعِرها..!!

لا يازماني وااا حليلك وحيّك=أرحم من اللي يرخص الحب الأولٌ

عتاب أحبٌه..

مواساة الشاعر لقلبه..

وَ تحذير شديد اللهجه.. كأنهُ هجوم أو رفض أن دعى الأمر لذالك..!!



وين أنت ..!!

وين أنت ياللي غبت وأبطى مجيّك؟=ماقلت لك عاما: حذاري تطوٌل

أن كان في خاطرٌك.. تنسى خويّك=قلها.. ولاكن ليه ماقلتها اوٌل؟

عنيتني مع النجوم وَ (سميّك)=وأرخصتني عقب الكلام المقوٌل

صحيح مابه يا أتلع الجيد زيّك=الزين وافي والسوالف (أتهوٌل)..!!

يازين نظراتك ومحلا ثميّك=وليلٍ على روس الردايف محوٌل

أموت في واجدٌك وأقبل شويّك=وأدوخ بين مٌحجّلك والمجوٌل

لا يازماني وااا حليلك وَ حيّك..=أرحم من اللي يرخص الحب الاول..!!

((ياقلب خفف من عناك ودويّك=منتب على باب الغرام امتسوٌل))

ماواق فيك وبينت له كويّك=مايدري أنك من غرامه مفوٌل

وأنا على ثارك وحزنك وصيّك=لجعل غرامي في عيونه يزوٌل

لو قال: أجيلك.. قلت: ماأبغي مجيّك=ألا إذا انه حلف مايطوٌل..!!

لــ الشاعر/

شبيب الشبنان


تقبلوا تحياتي

أخيكم