قصة حصلت لزوج مدرسة سرق منها زوجها راتبها وزعلت ونادت اخوها وتمردس في بطنه وماخلى فيه عرق صاحي
فقال الزوج هذه القصيده التي كلها شجن وعاطفه بعدما هجرته زوجته بلا عودة
لي زوجة حبه يتل المعاليق
عرسي عليها العام بأول شباطي
من روحته والزاد بالبيت ماذيق
ولا اميز العلم القوي والخراطي
بياض وجهه من بياض الغرانيق
وخدودها يا خوي مثل الطماطي
والصدر يزها به عذاب العشاشيق
والردف زامي فوقة الخصر واطي
ومدرسة مع زين كل التخاليق
وزود على هذا تعرف الخياطي
وجابت رويتبها وصفقت تصفيق
تسعة الاف كلهن بالمغاطي
وصكت عليه بغرفته بالصناديق
غطت على صندوقهن بالبساطي
وديتها تشري قدور واباريق
وانا انطلقت للبيت يم الشناطي
واخذت سبعة الاف معهن تلاحيق
وخليت الف وخمس معهن افراطي
عرفت وقالت عندك اليوم ماليق
والله لو تربط برجلي ارباطي
وانا عرفت اني توهقت توهيق
يالله يارب تهديني الصراطي
وقالت لخوها كل شي بتوثيق
وجاني حلال القوم راعي النشاطي
ثمن ضربني ضربة تيبس الريق
وقام وفرشني فرشته للسماطي
وقام وتوطاني بليا ترافيق
ويرجد علي ويمسحن بالبلاطي
واوجس بصدري عقب ضربه حشاريق
قمت اتنفس عقبها من اباطي
لي تسعة ايام وانا بي تشاهيق
عجزت اسولف كن فيني اسقاطي
براسي صعارير اسواة الزرانيق
ومضارب بالبطن مثل المقاطي
ولا ضاق صدري قمت اجمع طوابيق
والى توسع قمت اجمع قواطي
انا احمد الله بدل الضوق بالضيق
والهم من راسي نزل للمواطي
[move=right]مع الاعتذار لمن زوجاتهم مدرسات ......................[/move]
29-04-2004, 04:33 PM
الحمد لله بدل الضوق بالضيق
العرض الشجري