قلوب وعقول وعيون

[قيس ابن الملوح]

ياطاري الفرقا علـى القلـب بالهـون=ترى الصبر ماعاد لـي قلـب يقـواه
(بيّحت من حر الجفـا كـل مكنـون)=مشتـاق لـه جعـل المنايـا تـعـداه
اللي غلاه يكون مـن ويـن ماكـون=واحن لـه واشفـق لصوتـه ولقيـاه
اغليـه واحبـه ويجـرح وممـنـون=يزعـل بليـا ذنـب وادوّر ارضــاه
مدري وش اللي حطني فيـه مفتـون=وانـا همومـي كلهـا مـن سويـاه
مثل المثل بالضبط منهـج ومضمـون=كني سـواة اللـي نقـل داه فـي ارداه
انا اشهد اني فيـه مغـروم ومجنـون=وانا اشهد انه حد قلبي علـى اقصـاه
راحت ثلاث شهور والقلـب مشطـون=وانـا اتشفّـق شوفـتـه واتـحـراه
وشلون ياوي لي ويوصلنـي شلـون=لاجابتـه رحمـه ولا جابـه الـجـاه
صار البخت وياه مـن دون فـي دون=وانـا جـداي اقـول لا وحــلالاه!!
عون الخفوق اصبح على القلب فرعون=وامست مناهيل الغـلا تشحـذه مـاه
الحب يعمي قلـوب وعقـول وعيـون=ولاّ وش اللي حد قلبي على اقصاه ..؟

الشاعر حــــمـــــد (منقوله)