{{{الهنوووووووف}}}

[محمد فهد العرجاني]

اخواني واخواتي اعضاء وزوار مساكم الله بالخير والعافية والعلم الطيب



اخر الانتاج قصيده متوااضعه...........



صلو على النبي,,,,,,,,,,,,,,,,,,,,,,,,,,

أنا أنا واعوذ أنا بالله من كلمة أنا=اعز قافي واحشمه واعدّه لبيض الوجيه

مادام قافي معتبر ماني ملقـّيه العنا=قافي وقافي بحشمه من الخبل ومن السفيه

وان صيـّح المهبول وش بك قلت ياآخي شوبنا=الناس هيك وهيك والوقت الردي فيه اللي فيه

فيه اللي يلقط له قوافي من هناك ومن هنا=حتى غدى قاف الردي (ملقوط) والناس تهجيه

وان كان حل القاف فالمعنى خطير انه زنا=حرام بيشوف المهونة والسبب فعلة ذويه

والخبل يمكن مافهم قصدي ولاحوله دنا=إن مافهم قصدي الغبي يفهم على قصدي النبيه

ولاّ انا ضوّي يكفـّي من لهايبها سنا= الله يديم الضّو واللي يشبها وأمه وابيه

إلا على طاري القصايد يالهنوف الله لنا=القلب يشكي الضيم وانتي طوّل اغيابش عليه

اليوم تم اسبوع ماشفتش ياشفـّي والمنى=ولاصوتش العذب اتصل فالمسمع اللي يرتجيه

والله مااحس بحياتي واتنومس وآهنا=واصير كني من ملك ذالكون في راحة ايديه

إلا لاشفتش مقبله والشوق في عيونش بنا=بنا له صروحٍ من اللـّهفات ياالحس النزيه

ولامن تمايلتي وملتي ومال عودش وانثنى=ذكرت رب خصّش بحسن وغنـَج ماله شبيه

القلب لوّه ماكسب ولا استـفاد ولاجنى=من الحياة الاّ غلاش يعيش به ويموت فيه

واللي اخلقَش انه يكفـّيني لو ان عمري فنا=يفنا عسى يفنا مادامه لاجل عين اللي أبيه

سوالم.