{{{ ياخيــّـل البل }}}

[محمد فهد العرجاني]

مساكم الله بالخير



بدون مقدمات.



صلو على النبي,,,,,,,,,,,,,,,,

أيام مرت لا رسايل ولا أخبار=ماتدري منك ويش تعني الرسالة

رسالتك تعني تباشير الأمطار = على بدوي ٍ شيـّن الوقت حاله

يفز تالي الليل ويولـّع النار= ويصلـّح دلاله وينثر دلاله

من ضيقته ومضايق الوقت محتار= ماعاد يدري وين يوجـّه حلاله

لا له قريب ولا رفيق ٍ ولا جار=ولامال يقال يسد حاله بماله

فقر ودهر وهموم يالله ياستار= ولا له عيال ٍ تحتمي دون جاله

محتار وشاف الضيم من سود الأفكار= ومن حيرته كنـّه بيعلن اهباله

كنه مطالب ثار لكن لا ثار= ثاير على عمه يبي دم خاله

حالي مثل حاله عقب غيبة (...)= منهو بخس حالي بكاه ورثى له

تلعب بي الدنيا على كف الأقدار=وصار القدر عاله والأيام عاله

ذي حالتي قبل اكشف علوم وأسرار= عن الحبيب اللي كشفنا خماله

أثره ممثل قايم بكل الادوار=يضحك ودمعه لا أغتضى الدور ساله

ياخيل البل ياهل العرف والكار=وصله حرام إني لا أقطع إحباله

دام الزمن غدار والخل غدار=بيموت ما منه طلبنا الجماله

أنا احسب انه وافي ومخلص وبار= وانه علي مشغول فكره وباله

اثر الغلا عنده بدرهم ودينار= لا بارك الله في حلاه وجماله

ماتنبت الصبخا بساتين وازهار= ولا تعرف الفزعة دروب النذاله

ولا سمّـت الوافين وافين الاشبار= الا مواقيف الظفر والشكاله

ودامي من ارجال ٍ لهم صيت وأذكار= يشهد لنا التاريخ في كل حاله

بشوم عنـّه جعل واليه فالنار= لاعاد أبي شوفه ولا ابغي وصاله

خلاص مانبغي رسايل ولا اخبار=يالعنبو المرسل وراعي الرساله

سوالم.