بمناسبة قدوم صاحب السمو الملكي الامير ..سلمان بن عبدالعزيز ال سعود (امير نجد)
يامرحبا ترحيبتن شانها شان=وعداد ماهل المطر من سحابه
اهلآ هلا واهلين من قلب ولسان=وعداد ماخط القلم بالكتابه
سلام يانور المكارم والاوطان=يالوافي اللي كل خيرأ سعابه
سلمان لاعدو هل الجود سلمان=مواقفه مابين عزم وصلابه
له القصيد يساق مسك وريحان=وله الغلا ينساق قدر ومهابه
هداج تيمـاء كنـه سهيل لا بان=عدن على الضامي قراحن شرابه
حلياه حرن من صواريم حوران=لهوى على الجول المقفي ثعابه
كفه سحاب الوسم لاهل ودان=ينبت نواويره ويسقي شعابه
محبته تبقى لنا سر وعلان=القلب الواحد والاسامي تشابه
رجل المواقف والمبادي والاحسان=على القسى واللين ماصك بابه
سيفأ يقص الراس من فوق الامتان=لاسله السياف يرعف نصابه
للناس فزاعن وللطيب عنوان=شيخن يشرف بالمعالي جنابه
انتم هل العوجا لنا ظل وكنان=درع الوطن لا الوقت كشر بنابه
الله يديم العز في كل الازمان=امين يلي مايخيب الرجا به
للشاعر,, ناصر بن كروز بن ناصر بن سرحان ال منيخر
قصيده جديده للشاعر ناصر بن كروز
العرض الشجري