الشاعر عطا الله الهذلي

[الخالدي الهذلي]

قال الهذيلي يوم وايق بـه زمانـه والنصيـب=بادي على منحوت والمنحوت ما فيـه احركـه
بادي على " تمثال حرية " بلاد اهـل الصليـب=الدوله اللـي مـن معاقلهـا تديـر المعركـه
ثمثال رافع يده بالشعلـه وتصميمـه عجيـب=يمشي به المخلوق من رجله ليا وسط احنكـه
كانت مبادينا زمان أول علـى الحيـد الرقيـب=واليوم جات احيود من دونه وصـارت دربكـه
و أنا بديوي منهجي واضح يجيب اللـي يجيـب=دلوي على جنبي وبرّكـت البعيـر اب,مبركـه
إن قلّت الحيله رميت الدلو فـي جـال القليـب=و ان مُطرت الديره عسى جهدً يجي فيه ابركـه
مير السبب بالبير ماها يا عرب ما هـو قريـب=الحفْر بعدها على دلوي غـدى مثـل اسمكـه
مقطوع عنه الما , ينازع لو ينادي من يُجيـب=في جال مطويه من الأسمنت والمـوت ادركـه
لا والله الا شانت الأحوال يـا الوقـت الصعيـب=الله يخارجنا مـن المجهـول جـات الشربكـه
تليمت حصانـي الديـره علـى تـال العصيـب=و أم الشحـم هـذا مُذكاهـا بفعـل الأمركـه
لو شفتم اللي شفت مـا قلتـم يُـدور للذهيـب=وش قرّب الثمثال من رجـال ساكـن مدركـه
صناعة الأجيال مـا تخضـع لقانـون الغريـب=انكان فيه ارجـال محسوبـه وروس امحنكـه
عبّرت عن رحلة ثمان اشهـر بتعبيـرً غريـب=والرمـز بالمعنـى يعلمنـا رمـوز الفبركـه
والخوف فِطره , والمنايا ان كنت سالم ما تصيب=تمرق كما ماكِن تمرق " بالسليك ابن اسلكـه "