بروق الحيا

[الخالدي الهذلي]

كريم يا ابو الحيا , يـا بـارقٍ لـه رفيـف=على بـروق الحيـا عينـي تسـوق الثِنـا
و احب مشي الديـار اللـي هواهـا لطيـف=و احب طرح القِني و اكـره ضمـور القِنـا
و انا عشقت الكـلام المختصـر والطريـف=و اعـوذ بـا الله مـن كلمـة أنـا والأنـا
يا فاهمين الشعـر مـا كـل عالـي مُنيـف=هـذا كـلام الصحيـح اللـي علـى قـدنـا
آخر زمـن تاجـد المُبصـر يقـوده كفيـف=ايضـا وتاجـد عـرب منـا مثـل غيرنـا
ان جيت ابوصف زمان اليوم ماله وصيـف=ون جيت اشبه بغيري قلت انـا ويـش انـا
انا مواطن سعودي شـاف غيـره وشِيـف=و انا هذيلي من اهل السيـف و اهـل القنـا
و الناس فيهم قوي والناس فيهـم ضعيـف=من خلقـت النـاس و الدنيـا عناهـا عنـا
و الضعف ضعف النفوس اللي مرضها مخيف=علـى الحسـد والتباغـض الله يامـا بنـا
يمكن تقولـون غلطـه قلتهـا يـا لطيـف=احكم لنا يا " عطـاالله " بعـد مـا اتْهَمتنـا
و انتم لكم قصد ثاني مير قصـدي شريـف=والشـاهـد الله ويعـلـم قـصـد نياتـنـا
القصـد نخـرج بحاجـه محتواهـا نظيـف=تحفـظ لنـا مـجـد آبـانـا و أجـدادنـا
و اللي بذل جهد طيب , يستحـق الوصيـف=اسس ولا عـاد يبقـى غيـر رفـع البنـا
انكان قمنا سـوى حمـل الجماعـه طفيـف=و انكان شقرت عصانـا نقعـد احسـن لنـا
و اللي بظهر الشداد ينـوب عنـه الرديـف=دام الثقـه والتـعـاون نــص عنوانـنـا
والإسم ما هو سهل والحمل ما هـو خفيـف=والوضـع يـادوب نلحـق دوبنـا دوبـنـا
طافت علينا جمال اهـل الحسـى والقطيـف=رغم انهـا يـا عـرب مـا خلقـت الا لنـا
اشوف بعض العرب يومي بـراس العطيـف=و اشوف بعض العرب نهجه ما هـو نهجنـا
و اشوف بعض العرب قاعد بحيد الرصيـف=و اشوف من يجحـد النعمـه بكثـر الخنـا
و اشوف من حط من بعض الولايف وليـف=اشلون نرجـع سـوات اول و الآخـر دنـا
يـا ليتنـا ناخـذ الدعـوه بحـد الرهيـف=والسيـف عيـا يُحـد إلا علـى ارقابـنـا
الصدق فيه الدوا والضيف عكس المُضيـف=و اخر خيوط الحقيقـه مـن هـدم مـا بنـا
ان جيت يم التهم ون جيـت يـم المصيـف=الوقفـه اللـي تجمـل مثـل يـوم الُمـنـا
هـذا تـراث الاصالـه والبيـارق صفيـف=باسباب ركـب الحضـاره ضـاع موروثنـا
ما بين فصل الشتا والصيف فصل الخريـف=امـا يطيـح المطـر و إلا يطيـح الجـنـا
يا لابسين الـدروع اللـي حلقهـا قصيـف=انا هذيلي من اهـل السيـف و اهـل القنـا

الشاعر عطاالله القارحي الهذلي