قصيدة السبيعي في الدواسر (يوم المزاين)

[العماني]

هذه قصيدة بمناسبة " مزاين الإبل " الخاص بقبيلة الدواسر الذي أقاموه قبل سننتين تقريبا وعندما أنتهى تسليم الجوائز أقام الدواسر مزاين آخر للضيوف اللذين حضروا وذلك على حسابهم الخاص.
وكان للشاعر/ دسمان بن مناحي السبيعي رأي في هذا الموقف فقال قصيدة يمدح الدواسر:-

يازين فعلٍ يادواســـــــر فعلتــوه =فعلٍ سبقتــــو فيه كل القبايل
حتى لو إن الناس بعـدين سووه =أنتم هله من قبل وأنتـم الأوايـــل
قلتو كلام للضــــــيوف وحميتوه =وعاداتكم بالضيف فعل الجمايل
يوم المزاين بينــــكم مااحتكرتوه =ماعــودو ضيفــــــانكم بالفشــايل
من كان معه مشــاركة مامنعتوه =ماقـيل ذا واجــد وذولـــي قـــلايل
بينتو العلم الجمـــيل ورفعتــــوه =للي يحسّـب دقــهّــا والجــــلايــل
تستـــاهلون الطيب ياللي عملتوه =ويفــــــوز بالطالات من كان طايل
ماهمكم مـــال العـــنا لو جمعتوه =ما بــاقي إلا الفعـــــل والمال زايل
هذا طريـق للنشـامـا رسمــتـــوه =إلا الذي سلمه عن الطيــب مايـــل
قررتو الدرب الصحيح وفرضتوه =مثل القلايــــــد في رقاب الأصايل

وسلامتكم،،