,’,’, محمد ابن الذيب ..العجميّــه ...النـــود,’,’,

[مشاعر حالمه]

السلام عليكم ورحمة الله وبركاته ..

شلونكم عساكم بخير جميع ..

صديقتي النــــود ..

بصراحه اسمعت فيديو كليب لقصيدة الشاعر المعروف / محمد ابن الذيب العجمي ..

عن وضحــى العجميــّه ..اعجبتها وردت عليه بأبيات ..حبيت انقلها لكم ..

.( على فكره القصيده تجي على قناة النجوم طبعاً انا ماعندي هالقناة والا كان نقلت لكم أبيات محمد صحيحه )

وانا انشر لها قصايد كثير لانها ماعندها انترنت وانا اذا سمعتها تلقي علي شي من قصايدها

طلبت منها الموافقه في نشر الابيات وان شاء الله لها مستقبل ...

اليكم قصيده ابن الذيب في وضحـــى ..

تسمعوا يوم أجر الصوت

ياهل القلوب الهواويه

الهجر بين العرب ممقوت

والوصل ياحيك وحيّه

ياهاجسي قبل يفوت الفوت

عندي رساله خصوصيّه

علم هل المغرب وبيروت

حتى بنات السعوديه

واللي ورى الكوت واهل الكوت

والمسلمه والمسيحيه

وضحى غلاها ترى منحوت

بين الضلوع الشقاوية

منها يغار الشهد والتوت

وتغار الأرض الطبيعيّه

والدر واللولو والياقوت

........... البنت حوريه

بعيونها العاشقين تموت

وتقول للموت ياحيّه

وشلون ماأفخر واجر الصوت

وانا متيّـــــم بعجمـــيّه

رد النــــود ..


ياذيب يومك تجر الصوت

وتقول ميت بعجميّــه

تبي الخبر يوصل لبيروت

وحتى بنات السعوديه

ياذيب حنا بحور الموت

لهل القلوب الخلاويّـــه

صعبين وأثمن من الياقوت

مثل الذهب صعب مشريّه

نظراتنا سهمها موقوت

والموت بعيون نجديّه

غزلان منها تعاف القوت

ترعى النفل كل وسميّه

منا يغارون اهل الكوت

واللي مع البدو طرقــيّه

حتى الزهر والعنب والتوت

وبنات لندن وتركـــيّه

ولو جبت وضحى وهند وقوت

خسّرتهم ألف بالميّـــه

أقولها لك واجر الصوت

وأفخر وانا بنت ياميــــــــّه

^___^

صح السانها فديت عمرها ..

ها وشرآآآآآآآآآيكم...

تحيتي لكم / مشاعر حالمه_ عزوة ابوها