][اللاّش يعشقْ ليامنّه عشقْ لاشه]~[وأنا سنافي وعاشق لي سنافيّه][!!

فهيد بن عصيدان · #1 08-01-2007, 03:40 AM

صباح الخير
بدون مقدمات ,,
.
.

ياللي ليادقّ رقمك زيّن الشّاشه=أسقْ العروق المعاطيش الضماويّه
يومنّ كلٍ لياأنعس يزبن إفراشه=النوم عيّا يزور العين موليّه
صاحبكْ مسراه مع طيفك ومغباشه=يمسي ويصبح ونارك عادها حيّه
كلّه لعينك ياسيدْ القلب والباشه=يبو الدّلع والتغنّج والرمنسيّه
لعبت في خلّك وزوّدت بخراشه=تصرفاتك معه كنها طفوليّه
ماباقي إلاتلاعبني بقرقاشه=وإلا شرايك تجرّب طاق طاقيّه!!
مانيب غشّاش يوم الناس غشّاشه=أنا ليامن عشقتْ أعشق على النيّه
لك منزلٍ في خفوقي ماحدٍ ناشه=وتسكن عيوني وتملا هاذي وذيّه
تبا الحقيقه ياسيدْ القلب والباشه=إخذ العلوم الوكيده والحقيقيّه:
(اللاش يعشق ليامنّه عشقْ لاشه=وأنا سنافي وعاشق لي سنافيّه)!!

.
.
وسلامتكم

صديق الملك · #2 08-01-2007, 09:24 AM

اقتباس:

مانيب غشّاش يوم الناس غشّاشـه
أنا ليامن عشقتْ أعشق على النيّه

راااااااااااااااااائع يا فهيد

قصيدة جميلة ومعانيهـــا سامية

تقبل كل التقدير والإحترام

أخيك .

سالم الرتيبان · #3 08-01-2007, 10:39 AM

صح لسانك يافهيد وسجل اعجابي ومتابعتي
اخوك سالم الرتيبان

™ عبد الله ™ · #4 08-01-2007, 12:04 PM

السلام عليكم

ماباقـي إلاتلاعبنـي بقرقـاشـه
وإلا شرايك تجرّب طاق طاقيّه!!

هههههههههههه

صـــــــــحّ لســــــانك يا فهيــد ...

مبدع .. واتمنـّـى لك التوفيق ان شاء الله

تحياتي لك