قصيدة مهداة للشيخ/محمد بن سعيّد ابو جعشه حفظه الله

[فلاح ال مخلص]

أركدوا يأهل التميدح والتباهي=المدايح وضح ابو جعشه خذتها
فوزها مافيه شك ولا اشتباهي=هالسنه واللي بعدها ضامنتها
مالها يوم اعرضت ندٍ يضاهي=بين خلفتها التنافس وجنبتها
الاذاني فاهقه والخد راهي=والسبال الضافيه حدر أرثمتها
والنحر باب اجودي والراس ناهي=وتسحر قلوب المشاعيف رقبتها
وغاربٍ كنه يدّور للنفاهي=والسنام مقصّرٍ من مردفتها
وزين دل وزود فطنه وانتباهي=صيحة الراعي ليا صوت شعتها
وأن ثناها جات من كل اتجاهي=جول غزلانٍ تقفّت قايدتها
يابخت من يملك كبار الجماهي=وبالكريم ابو سعيّد يابختها
اشهد انه نايلٍ كل المشاهي=وهي بكساب المدايح نايلتها
ومع هذا عن غيرها ماهوب لاهي=كفه حبال المراجل قاضبتها
ماقصر يمناه غير عن النواهي=لو تحوش اموال دوله نفدتها
مجلس محمد لضيفانه رفاهي=تعتقب فيه الدلال ومبخرتها
اله مقهاتٍ تقلدها المقاهي=وقهوجيه نظرته يفهم لغتها
وللسمان المكرمه والحشو طاهي=لانضاها حط الاخرى فى مرقتها
من مناعيرٍ لهم قدرٍ وجاهي=الرجال اللي تنومس معرفتها
يام ماحدٍ عن فعايل يام ساهي=كم تداوي عين وعيون لطمتها
عزوةٍ بعزومها تدهى الدواهي=والدواهي من عداها مادهتها
ذكرهم بين القبايل نور باهي=ريف للصاحب وعز لعانيتها
قالها اللي مايخاف الا الالهي=والشهاده عدها في مناسبتها

شعر /ضاوي بن عايض العصيمي