شاعر ( أقدّمه لكم " وأ ُراهِن .. بأنه سيلاقي نجاحا ً كبير في الساحه ) !
اذهلني منذ وقت طويل .. حظيت في محبّته .. واعجبت به اخلاقا ً
وشعرا ً / يسبقهما الرجوله " الطيبه ! سنحلـّق مع بعض
ماكتب .. ولكن .. هل انتم جاهـِزون للإبحار ؟
ماهو غريب تعيـش فـي يـوم (مهجـور)=وتعيش في همّك .. على الضيـم وأكثـر ..
الأغـرب .. تعيـش العمـر دوم (مقهـور)=وترجع بك الذكـرى علـى كـل منظـر !!
ياصاحب أقسى قلـب مشكـور .. مشكـور=ماكنـت أظـن الخيـر مـع شوفتـك شـر
عشتـك ظـلام الليـل .. ونهايـة الـنـور=وأغرانـي السكّـر .. ولاذقـت سـكّـر ؟؟
ورفضت حبـي لـك .. وقفّيـت مسـرور=ومركـب هوانـا فـي مسـيـره تعـثّـر
لومالقيـت إنـي علـى الـحـب مجـبـور=ماكـان مـوق العيـن مـع غيبـتـك در ؟
ولـو مالجلساتـك معـي وقـع وحضـور=ماكـان قلبـي يكـره الـوقـت لامــر ؟
ولو عشت وقتـك وسـط غبّـات وبحـور=ماصار لي خيمـه .. ولاصارلـي بـر ؟؟
لكـن لقيتـك ميّـت احـسـاس وشـعـور=ومـع كـل هـذا .. عـن هوانـا تنـكّـر
أنسـاك يـوم .. وأبتعـد عنـك شـهـور=وأقـول أبقـدر .. بـس والله مـاأقـدر !!
بيني وبينك ( أوضح ) الحـب ( مستـور )=ماتـروي الضامـي .. ولا تعتـق الحـر ؟
حربـك جحيمـي وإن تهاونـت مـعـذور=نصبح بكر وفر .. وأمسـي علـى فـر !!
الله يـبـارك فـيـك ياسـيـد الـحــور=ولـو رحـت عنـي .. تـدري الله أكـبـر
بس إذكـر إنـي .. مـن تحمّلـك مقهـور=ِصدر لك الحالي .. ويـارد علـى المـر ؟
وإن شفتنـي أشكـي مـن الهـم والـجـور=أبرجـع لـدربـك عـلـى أي معـبـر ..
ولا يزعجك لاصاحب غيابـي .. حضـور=إن جيت لك مضطر .. وإن رحت مضطر !!
وصلتك .. وزدت هجرانك .. وفارقتك=وصلك همومي .. وبُعدك كان لي خيره
خلاص .. شفت الحقيقه وانتهى وقتـك=ياضيف قلبي ويـا أقسـى مساييـره
سكنـت فينـي وشدّيتـك وعلّقـتـك=وبنيت لك في معاليـق الحشـا ديـره
ورفعـت قـدرك وعلّيتـك وفرّقتـك=عن كل الأحبـاب والحـب وتعابيـره
وكبّرت قلبـك وحبّبتـك وشوّقتـك ..=بالعشق وطعم الوله وأصدق معاذيـره
وأخلصت عاشق وحبّيتـك وطوّقتـك=وعلّمتك الشـوق والموعـد وتأثيـره
وقلبـي بعـد ماتربّعتـه ورافقـتـك=كفّيت شرّه .. ولا كفّيـت لـك خيـره
من شان قلبي وعمق الحـب صدقتـك=وأكـذّب العقـل والواقـع وتصويـره
أشوف سكّـرك لكـن غبـت ماذقتـك=ماذقت غير العتاب ونبـرة الغيـره !
لكنّي اليوم ضقت وكاني اشتقتـك ...؟=بزوّد الجرح جرح .. وابقطع السيـره
أبتركك وأتـرك دروبـك ومنطقتـك=وأجافـي الهـم والحـزن ومشاويـره
(أكبر عيوبي) ياقاسي يـوم صادقتـك=و(أصغر مزاياي) إبعادك عن الحيـره
وهقتنـي فيـك ولاّ فـيْ وهّقـتـك ؟=الذنب ذنبك .. وأنا وارد على بيـره !!
ببقا على طيبـي اللـي فيـه غرّقتـك=مـدام لمحمـد الحلـفـي جماهـيـره
يابايق الطيـب غيـر الحـب مابقتـك=واليـوم أبعـوّض الخافـق مخاسيـره
مع السلامـه ووقتـي ماهـو بوقتـك=قربك خطا والخطـا ملّيـت تكريـره
ضاع الوفا فيك ليـن اليـوم ماطقتـك=وكافي أعيش بهمـوم الشـك والغيـره
أدري تضايقت من قربـي وضايقتـك=لأني أكبـر مـن إحساسـك وتفكيـره
( وش عاد لاغبت عن عيني وفارقتـك=بعض المفارق يكون لصاحبه خيـره )
ودّي اذا سقـت القـدم أحصّـل بدربـي ركـوب=- من منطلق - إنك تجنّب ساقـك السـم الذحـاح
ويالله عساها خير ياقلبـي .. ولاحولـي هـروب=لاصرت أعيش بواقع الدنيـا .. بحلـم الإرتيـاح
( ليت الحيـاه وقسـوة الأيـام مافيهـا رسـوب=ويرتاح حبل الحيل من شـدّه ونفـرح بالنجـاح )
ستطول الرحله كثيرا ً لو ابحرنا .. في شواطئ هذا الشاعر الرائع
و ( لو سمحت ) دعنا .. نجلس على شاطئ بعض ابيات نص .. !
[ لو سمحت ] ! :
أغليك ياكـل الغـلا .. وأهـواك يالضبـي الفريـد=وأعيـش جـوّك وأعشقـك حتـى نهايـات العمـر
كل عام وأنت بخير .. وأحبّـك وتبقـا بـي وحيـد=أشتاق ليلـك وأعشـق نجومـك وأسامرهـا سمـر
حسنك فريد وبالمقابل .. (للأسـف) وصلـك زهيـد=يامالـك الخافـق وياغـامـر أحاسيـسـي غـمـر
ماغيرك اللي لاطريته صـار يجـري فـي الوريـد=ولا أبالـغ لـو أقـول إنـي اذا شفتـك أمــر ..
.. بإحساس غير< > ونشوة أفراح< > وسعاده تستزيد=ساعـة تسمّينـي (البحـر) وأنـا أسمّيـك (القمـر)
لاقلتلي : محمد أبـي مـن شعـرك الشـي الجديـد=وأنـا بثقـه أجاوبـك : بالثـلـج ولا بالجـمـر ؟؟
مادمـت أشوفـك يالغـلا .. ماللحديـد إلا الحديـد=انـا حبيبـك وأنـت ملهمنـي وتامـرنـي أمــر
فيك الأصالـه .. ورث جـد ومنبـع المجـد التليـد=وفيك الوقار .. اللـي شبـه هيبـة رئاسـة مؤتمـر
وفيك الغنج .. لامالت غصونك مثل خضـر الجريـد=وفيك الجمال .. اللي يصح تسميته : الموت الحمـر
أوصاف غير .. وياهني منهو ظفر بـك .. والأكيـد=إنك ملكـت القلـب .. وأشواقـي لوصلـك تنهمـر
لاصرت في قربي وأشوفك صار كـل العـام عيـد=يعني أنا متعـوّد أفـرح فيـك .. لـو عيـدي يمـر
العيـد حـل .. وياعسـى فالـك بهالدنيـا سعـيـد=ويكسيك رب الخلـق ثـوب العافيـه طـول العمـر
كل عام وأنت بخيـر ياغالـي .. (وجعـل الله يعيـد=أفراحنـا) وأكبـر محبـة فـي وجـودك تستـمـر
كل الشكر لتشريفكم /
24-01-2007, 11:49 PM
العرض الشجري