## لاواهني اللي رصيده ملايين ##

[اطياف الماضي]

إليكم هذة القصيده المشهوره وهي من القصائد الطريفه والجميله للشاعر الكبير سليمان الهويدي رحمه الله ... وهذا الشاعر كم اتحف الشعر باروع القصائد والقوافي وكم امتعنا بكلماته الرائعه والجميله ....
ونقرأ معاً هذة الابيات .

..

لا واهـني الي رصـيده ملايــــين =وامضاه في راس القلم يقـــبلونه

وبواخره تمشي بكل البلاديـــــــن=ومصادره من كل شكلٍ نــــــمونه

وعنده عيالٍ صالحين ورشـــيدين=لا غاب والدهم هم يمــــــــــثلونه

بيته يعانق شاهقات الضلاعـــــين=تلقى الحمام مبيضٍ في ركـــــــونه

وديوانه اكبر مابنى بالــــــــدواوين=مفتوحٍ واجواد العرب يدلــــــــــونه

فيه الخدم متكاملين ومطيــــــــعين=من جاء لهالديوان بيباشــــــــرونه

ولا صارت الريضان مثل البـساتين =ماطاب من ريضانها ينزلـــــــــــونه

تلقى الخزاما والنفل والرياحـــــــين=تطرب له الورقه وتزعج فنــــــــونه

مع لابةٍ تنطح وجيه الــــــــــشياطين =عزٍ لهم وهم يتفادون دونـــــــــــــــه

هذي الحياة الي لها الناس شــــفقين =من غر منها يا حياة المهــــــــــــونه

اشوى من الي ياخذ الدين بالديــــــن =وطّلابته راس الشهر يبلشـــــــــــونه

ومع الفقر عنده بزور ونســــــــاوين =يبون حاجتهم ولا يعــــــــــــــــــذرونه

يقضي معاشه مامضى الشهر يومين=الفقر شيبّه وشـــــــــــيب عيـــــــونه

عايش ولكن عيشة الفقر مــــسكين=كنّه مصخن وهو مابه صـــــــــخونه

يا الله ياقابل صلاة المــــــــــــــصلين =انك تقوم بعـــــــــــــــوننا ثم عونـــــه

تحياتي لكم ,,