,,الكــــلمــة العـــوجـــا عـــوجــها مـــايعــــدلــه اللســـــان،،

[وردة العجمـان]

السلام عليكم،،


هذي قصـــيــدة للشــــاعر المــــبـــدع/زعـــل الرشـــــيــدي

وأتمـــنى تحــــوز اعجـــــابــــكم،،،

زمان كان الخوف من غدر الليالي والزمان=واليوم كل الخوف من ناس حفظت حقوقها

ناس تفسر طيبتك معها غبى وإلا هوان=وصراحتك معها غرور وكبر في منطوقها

ناس تنزل قدرها لجل المصالح للطمان=ناس على الصادق بكذبتها وساع شدوقها

الوقت خان ومن هقيت ابه الوفا والطيب خان=حتى الأمانة باقها قبل الزمان يبوقها

لو انها بالكيف كان ارخيت للكيف العنان=واطلقت للنفس الشقية كايدات سبوقها

ابدمح الزلة عن اللي زل واللي كان كان=لو كان ما كل الفتوق اللي تخاط فتوقها

وابغتنم فرصة حياتي قبل لا يفوت الأوان=مادام روحي ذارية والأرض رجلي فوقها

ما عاد لي شف على الدنيا وميل الخيزران=إلا الطروق اللي يوسع خاطري طاروقها

اطرد ورى عيشة عيالي من مكان اليا مكان=علي ألاقي قبل موتي ما يبل حلوقها

الكلمة العوجا عوجها ما يعدله اللسان=والشجرة اللي ماتظلل عيبها بعروقها

تقبلو اجمل تحية،،