شاعر كبير في الساحه يكشف خفايا المحاوره ومايسمى (( بالتمريره الشعريه))

[آل فارس]

السلام عليكم
لقاء كان مع شاعر كبيرومعروف من كبار شعراء الخليج
وبعد ان انتهينا من العشاء جلست معه جلسه خاصه ومايقارب اكثرمن ساعتين متواصله بالحديث عن المحاوره وقال ان الموال افسد شعر المحاوره وهو من المعارضين له وبشده ولاكن الجمهور وشعراء السنين التاليه سبب اختفاء المعنى والجزاله وقوه البيوت ونقضها الجميل
وفتلها وقال وبشرح مفصل عن المحاوره واستشهاد ببيوت الشعراء الاقوياء خفايا واسرار المحاوره
وقال المحاوره
المحاوره يجب ان يكون الشاعر مطعم بكلمات ومفردات وسلاسه تركيب البيت عنده والالمام الكبير بمعاني المفردات وطريقه استخدامه
حيث ان المحاوره على خطين اما النقاش فيها سليم((بمعنى)) او نقاش عقيم (( اي بلامعنى )) يعني يكون فيه التمريرات الشعريه اي استخدام الكلمات المشبوهه التي تعطي وجهين باختلاف المعنى
وسوف نعود الي هذا الموضوع
المحاوره بالمعنى وعاده يكون المعنى من بدايه البيت اي بالسلام اول بالترحيب

يقول شايع العيافي
يامرحبا في حله دارت بها صفر الدلال = والعود الازرق والسمان الي تضيم صحونها
وشرح هذا البيت

دارت بها صفر الدلال = اي كل من الشعراء الموجودين استلم المكافئه الماديه للحفله
ورد رشيد الزلامي ببيت يبين وناقض لما قال شايع
دام البقى ياشاعر رحب بعد شاف الهلال = شفته بعيني والقبايل شافته بعيونها
رحب بعد شاف الهلال = اي اتى الا الحفله بعد ما استلم المكافئه

سلطان الهاجري
قال للرياحي بعد مارحب في حفله من الحفلات
نحاول نجيب الطب للجرح ويطيب = لكن انت هذا الوقت علتك عله
ترى الشيب للرجال ماهو عذاريب=لكن روح بلغ له سلامي وقله
شرح البيت الاول
اي نحاول نصلح الخلاف بينك وبين الشاعرحبيب العازمي ولاكن انت رافض الصلح
وشرح البيت الثاني
ترى الشيب للرجال ماهوعذاريب اي ترى العذر اول التاسف بين الرجال مايعيب ان كنت مخطي وشرح الشطر الثاني من البيت الثاني اي حبيب هوالاجدر في موقفه وان سلطان يظم صوته لصوت الرياحي
ورد الرياحي
مع اهل اتربه مايمشي الشك والريب = مابين العرب مثل النجوم المطله
شرح البيت
يقصد ان موقفه سليم وخالي من الريبه والشكوك حوله ومابين العرب مثل النجوم المطله اي واضح وضوح النجوم الي تنور سماها
وهذي من اروع المحاورات الي اسست على معنى وفن نقض وفتل سليم
واما المحاورات العقيمه على حد قول اي التي خلت من المعنى ويستعملها اكثر الشعراء الذين يتقابلون لاول مره لتفحص كل شاعر لقوه استيعاب الشاعر المقابل
وتمرير الكلمات المتجانسه واليكم بعض امثله على حد قوله وهذي دائما تكون بين الشعراء الكبار والمبتدئين وهي ليست بتقليل من شانهم لكن ماحصل بالفعل
ومنها
حبيب العازمي
حنا سرينا مع رضوان يوم انك مع الرس سريت =بجمالك الي ليا حان القدر نكسر عراقيبها
القرقاح
ما اقول غيرانتحر ياهيه دام امع العذرا ربيت=المعركه سمها في دابها ان كان تدريبها
السناني
طاح البرازيل من فارق فريقه بليه =وقلت العوض بالملاعب يامردونها
الزلامي
ان جيت مناك جينالك بعقل نبيه = يابضاعت عفنت في جوف كرتونها
وهذا على سبيل مثال اي ان المحاوره تاتي على وجهين وهذا اناوبراي انه هو الي نسمعه
والابيات الاخيره هو مايقال عنه بالنزول الشعري في الامحاوره اي دس السم بالعسل وشقر الكلمات التي تعطي وجهين والخافي اعظم
والي عنده تعقيب على ماورد يتفضل