عـــــذارى مريـــــــــكـا

[سالم الرزقي]

السلام عليكم ورحمه الله وبركاته

انا انشدك بالله ياحمد هي تجيك هموم=بدار النصارى ما كلين الخنازيري
هو البعد يمنع من غثاها وحتى يوم =يفك الشقاوي من حياه التعازيري
انا والله اني في حياتي كما المحروم = هموم وروود وثانيات مصاديري
اقاسي التعب وتقاسي العين قل النوم = وعلى الله اشتكي من حالتي والتدابيري
ادوج على سيف البحر كني المنجوم = اداوي جروحن في ضميري مغاويري
سببها خفين ماهو بظاهرن معلوم = على عاذلي واللي يطاوع لشاويري
كتمت الهوى مبغى الجميله يجيها لوم = عذولي ان درى مافاد عنده معاذيري
وراعي الهوى ياصاحبي دايم مذموم=وحتى ولو ماصار منه تقاصيري
نسوق الركايب ماحسبنا حساب القوم= ولاعاد ذقنا كون زاد القصاديري
فنا انشدك بالله ياحمد هو يجيك النوم =وعذارى مريكا هم رعوا بالمغاتيري
عذارى مريكا هم لهم عاده وسلوم = هم ان سيرو لك به دلالن مباهيري
حياتك شليه ياحمد فنقذ المهموم = شحايه الشقاوه ما كلاها حدن غيري