مل قلب(ن) لاسمح منها ولاهـو معهـا

[عيد بن شدقان]

السلام عليكم رحمة الله وبركانه

اخواني رواد منتدى الشعر العام اسعد الله اوقاتكم
ها انا اعود اليكم بعد الانقطاع وكلي شوقٌ لكم

البروق اللي تلـوح وخاطـري يتبعهـا=جعلهاتركب على هقوة ظنـون الهاقـي
مثل ماتدفـع عيونـي للسهـر يدفعهـا=الغلا اللي من ورا قلبي وفـوق أشواقـي
يم ديرة مـن يشتّتهـا البطـا واجمعهـا=في مصب البيت الاّول وآخره بأعماقـي
مر من يروي عروقي والعيون أشبعهـا=لين خلاّ اجلال غيره من غـلاه أدقاقـي
فيّ شمس(ن) مايصبّحني مـع مطلعهـا=فيّها جمره ومستشـرق سناهـا ضاقـي
ياحجا عيني من أيام السفـر مااشنعهـا=منت في النيّه ولاذودك رعـت براّقـي
فاختت أريا هواجيس الهـوى واردعهـا=لين شفتك في عيوني والسهـر فاحداقـي
ليت لي عذر(ن) أسوقه للعرب واقنعهـا=ان اسمك زادي اليومي وطيفـك واقـي
والمسافه عذرها هيّـن علـى قاطعهـا=والحمول أرخيلها متني عويـن اشقاقـي
ولو ذودي كل نبتـه لارعـت تشبعهـا=والله ان انزل مداهيلك واسـوق نياقـي
مل قلب(ن) لاسمح منها ولاهـو معهـا=يوم توميبه هبوب الذاكره فـي اوراقـي
ونّتي ماودّي أحد(ن) في (الغدف) يسمعها=كود رجم(ن) ذبّته راحه وبلسـم ساقـي
أتعلّلبـه وأمــر أيامـنـا وارجعـهـا=واتذكر عـزّة أيامـك ونبـل أخلاقـي
والقصيد اللي حروفه من غلاك أطبعهـا=كـل ماجفّـت سواقيهانفسـك السـاقـي
والشكوك اللي تراود خاطـري واقمعهـا=كل مالدّيت فـي عينـك وفـي ميثاقـي
وابتساماتك ليـا مـر الهـوى وزعهـا=أعترفت انك ملكت أذواق غير أذواقـي
كلّها مرّت على رجم (الغدف) ماأروعها=بس ليته يفتهم شعـري وحـزن فراقـي
كان أقول انّك هواها يارجـم واسمعهـا=كل ماقلته علـى حيـدك وخـل الباقـي
وازهل أبيات القصيد اللي يبـي يمنعهـا=عن مرابع روضة اليشمـوم والرقراقـي
وانحت حروف القصيده خط بين أضلعها=ليـن أخلّيهـا تمنّـا جيّتـي وأعناقـي
بس رجمك يالغدف ماهوب في مرتعهـا=ديرتك ماضمّت ألاّ كاولـي وعراااقـي
والبطا يوجع عيونـي قبـل لايوجعهـا=والحزن ماهوب أوّل من سكن في احداقي

مبارك بن اعيينان

[عبدالله العبيد]

وازهل أبيات القصيد اللي يبـي يمنعهـا
عن مرابع روضة اليشمـوم والرقراقـي

صح الله احساسك واحساس قايلها ولاهنت طال عمرك وحياك الله من جديد

اخوك: عبدالله ال عبيد

[الــحـشـاشـــه]

والمسافه عذرها هيّـن علـى قاطعهـا
والحمول أرخيلها متني عويـن اشقاقـي
ولو ذودي كل نبتـه لارعـت تشبعهـا
والله ان انزل مداهيلك واسـوق نياقـي


قــصيده رووعــه ماشاا الله

صح لــساان شاعــرهــاا
وسلمت يمنــاك يا عيد بن شدقــاان على الاختيــااار الممــيز
ولاهـــنت


تـــــقــــبل تـــــحياتــــي

[شرس]

صح السان الشاعر / مبارك


الاخ الغالي / عيد بن شدقان

لاهنت على الاختيار الرائع كما وعدتنا

(بيض الله وجهك مافيك حيله)

[الاحرش]

المشرف الغالي


عيد بن شدقان

من طول الغيبات جاب الغنايم



صح لسانك ولسان الشاعر مبارك بن اعيينان

ولاهنت على النقل الجزل

[محمد بن سعود]

وازهل أبيات القصيد اللي يبـي يمنعهـا
عن مرابع روضة اليشمـوم والرقراقـي

ياسلالالام

عيد لاهنت

وصح لسان مبارك

وعاش من شاف نكك

ولاهنـت

[مسفر بن حمران]

صح لسانك ولسان شاعرها ولا هنت اخوي عيد بن شدقان على المجهود الطيب

تقبل مروري وتحيـــــــــــــــــــــاتي لــــــــــــــــــــــك

[وردة العجمـان]

والقصيد اللي حروفه من غلاك أطبعهـا
كـل ماجفّـت سواقيهانفسـك الساقـي
والشكوك اللي تراود خاطري واقمعهـا
كل مالدّيت فـي عينـك وفـي ميثاقـي


صح السانك والسان شاعرها

عودة ميمونة

ولاهنت عالنقل الجميل

[عيد بن شدقان]

المشاركة الأصلية كتبت بواسطة عبدالله العبيد

وازهل أبيات القصيد اللي يبـي يمنعهـا
عن مرابع روضة اليشمـوم والرقراقـي

صح الله احساسك واحساس قايلها ولاهنت طال عمرك وحياك الله من جديد

اخوك: عبدالله ال عبيد

عبدالله

يامرحبابك ومسهلاااا


ولاهنت يالغالي


حظورك اسعدني


ولك كل الشكر

[عيد بن شدقان]

المشاركة الأصلية كتبت بواسطة الــحـشـاشـــه

والمسافه عذرها هيّـن علـى قاطعهـا
والحمول أرخيلها متني عويـن اشقاقـي
ولو ذودي كل نبتـه لارعـت تشبعهـا
والله ان انزل مداهيلك واسـوق نياقـي


قــصيده رووعــه ماشاا الله

صح لــساان شاعــرهــاا
وسلمت يمنــاك يا عيد بن شدقــاان على الاختيــااار الممــيز
ولاهـــنت


تـــــقــــبل تـــــحياتــــي

الحشاشه
حياش الله

وتسلمين



والمميز هو حظورش هناا


ولكِ كل الشكر