دكـتـور العـيـون : لـلـمـحـيـط الـهـادي

[طلال بن قطام]

هذي القصيده لها مناسبه وما كل قصيده يجب ذكر مناسبتها ولكن لتوضيح الشخصيه اللتي سترد فيها وبعض الامور.

هذي قصيده قالها الشاعر محمد بن فطيس عندما اجرى عمليه جراحيه في عيونه وتعرف بتصحيح النظر او التشطيب (الليزك) في مملكة البحرين الشقيقه وكانت ولله الحمد ناجحه.

الدكتور اللي اجرى العمليه : استشاري طب وجراحة العيون: (مؤمن الريفي). اليكم القصيده





(يامؤمن الريفـي )انـا جيتـك زبـون=جيتك على مدح اكثـر النـاس وعنيـت
جيـت وتعالـى الله عمّـا يشـركـون=لولاه (يامؤمـن) لطبـك مـا اهتديـت
راضي بحكـم الله علـي مهمـا يكـون=عالج عيوني لـو بعـد طبـك عميـت
ودي اخاشـر فالبصـر مـن يبصـرون=واشوف دربي لاسرحـت ولا ضويـت
والى قنصت اثبت مـع اللـي يثبتـون=واشوف طيري كل ما اوميـت
ودعيـت
ياااكثر ما يضرب خويـي (الطابلـون)=من كثر مـا اكلّتـه مطبـاات وكليـت
وودي اشـوف اللـي علـي يعرضـون=وبعض الليالي ودي اسـري دون ليـت
وااشوف نـاس ٍ فالقفـا مـا يرحمـون=امـا وقفـت لصاحبـي والا مشـيـت
مـن دون نظـاره ولا هـم يحـزنـون=يااا كثر ما كسّـرت كشمـات وشريـت
لكـنٌ يـا دكتـور جعلـك مـا تهـون=ابغيك كلمـت راس دامـك مـا بديـت
اسمع ولا ابغي اللي وزانك يسمعون=ربي كتب يكشف لك اسـراري وجيـت
صورة عديل الـروح عنـدك فالعيـون=واخاف تقطعهـا بموسـك مـا وعيـت
ولا عليك امر..اطوهـا تحـت الجفـون=وعقبه لو تقطـع عيونـي مـاشكيـت
هي راس مالي والعـرب مـا يدركـون=اني على بـاب الممـات ومـاحكيـت
ياقـو قلبـي يـوم قـفـن الضـعـون=اللـي علـى ذاك المـوادع مـا بكيـت
ويا صبر صبـري والعـواذل يحسبـون=اني دلهـت مـن الهـوى والا سليـت
اسكت عساهم مـن سكاتـي يسكتـون=وانا عن اللي في ضميري مـا انتهيـت
وادور الفرحـه مـع اللـي يسهـرون=وان ذكرونـي خـذت فنجـال وسريـت
اخذت من وقتـك يـا دكتـور العيـون=عالج عيوني لـو بعـد طبـك عميـت
واستر علي واللـي معـك لا يفطنـون=انت الوحيـد اللـي بعـد ربـي دريـت




وسلامتكم : للمحيط الهادي : محمد بن حمد بن فطيس المري

[عـ100ـج]

ااااااااااااااالله ااااااااااااالله عليك يابن فطيس

فاااااااااااااالك المليون انشااااالله

وتسلم يااخي العزيز على النقل

لك أجل تحيه

[alaajm]

ياااكثر ما يضرب خويي (الطابلون)
من كثر ما اكلّته مطبـاات وكليـت

أنشهد

صح لسان ابوحمد

ولسان ناقل القصيدة ويعطيك العافيه

[مسفر بن حمران]

لاهنت اخوي الجريح على النقل الطيب وصح لسانك ولسان المحيط الهادي

[تركي المري]

لكنٌ يا دكتور جعلـك مـا تهـون=ابغيك كلمت راس دامك مـا بديـت
اسمع ولا ابغي اللي وزانك يسمعون=ربي كتب يكشف لك اسراري وجيت
صورة عديل الروح عندك فالعيـون=واخاف تقطعها بموسك ما وعيـت
ولا عليك امر..اطوها تحت الجفون=وعقبه لو تقطع عيونـي ماشكيـت

الجريح لاهنت وبيض الله وجهك ع النقل المحترم

وصح لسان مهندس الكلمه بوحمد

تركي المري

[الــحـشـاشـــه]

ياقو قلبـي يـوم قفـن الضعـون
اللي على ذاك الموادع مـا بكيـت
ويا صبر صبري والعواذل يحسبون
اني دلهت من الهـوى والا سليـت
اسكت عساهم من سكاتي يسكتون
وانا عن اللي في ضميري ما انتهيت
وادور الفرحه مع اللـي يسهـرون



<< حزنت

قصيده رووعه ماشا الله
صح لساان الشاعر محمد بن فطيس المري ..

الله يوفقه وفاله المليوون (( كثرواا من الدعااء له يستاهل ماشاا الله عليه ))

الجريح لا هنت على النقل الطيب والاختيار الرائع والمميز ..


تـــقــــبل تحياااتي