وشلون؟ والمشكله ماعاد يمدينا؟

[عيد بن شدقان]

السلام عليكم

هذي بويتات واتمنا ان ترتقي لذائقتكم

البارحه يامعنينا معنينا=ماغير أحول على رجم الحزن وأرقا
أجر لحن الشقا والشوق مشقينا=ومع اللحن ناحت ولاحتني الورقا
الشوق والبعد والمكتوب حادينا=مابين حبر القلم والدمعه الزرقا
ذكرت وقت ن مضا ياليته إيجينا=يبرا عطاب الجروح ويطفي الحرقا
وشلون؟ والمشكله ماعاد يمدينا=هبت هبوب الفراق وناحت الورقا
حبيبتي داعي الهجران يدعينا=واعيوننا من زراق ادموعنا غرقا
حنا كبرنا ولاطلنا امانينا=والوقت لامن تحاكا ينطق (الفرقا)