والله لو ما الخوف وادرى من الحيا .. لا تبيّن الفرقا عليه شهودها .. !

[ركايز]

.. || السلام عليكم ورحمه الله وبركاته || ..




.
.



والله لو ما الخوف وادرى من الحيا
لا تبين الفرقا عليه .. شهودها .. !
ولا اصيح واظهر بين لاضلاع عبرتي
وناوح الورقا على راس عودها .. !




.
.


مضانين عيني .. لشاعره القديره / فتاة العرب

مضانين عيني ليتهم يوم دبّروا=لبات قلبي عوّضوني ردودها
ليت النّيا ما حال بيني وبينهم=ولا بدلت معنا الليالي سعودها
وجدي عليهم ليت ما حال دونهم=شطات ودروب طوال حدودها
تلوا فوادي تل من باطن الحشا=وجروا معاليج الكبد من عمودها
قفوا وخلوني وخلوا مدامعي=من عبرتي تخشى غرقها خدودها
ساروا وخلوني مجيمه وونتي=تسهر بها الهياع ويا رقودها
أعزي ونفسي من العزى ما تطيعني=وتذوب من حر الجلد في جلودها
ولي من ذكرت أيام وصلي بقربهم=و راحات روح ٍ شفها من ودودها
تضيق بي لوساع واصفق براحتي=وتنهار من قوة عظامي عضودها
يا قل صبري عقبهم يالحالتي=من الهم والفرقا وكثرة جهودها
يلي فارقتني ليلة ٍ يات ليلة=يجدد لي التذكار فيها عهودها
وان مر طاريهم على البال تنسكب=مدامع اعيوني كل عبره بزودها
قلبي شفيق ابهم على اللين والقسا=ويشتاقهم شوق الظوامي ورودها
في صاحبي متعيضني جملة الملا=لو كثرت الخلان عندي عدودها
ولو ظن بي ظن الردى ناسي الجدى=عيوني تراويه الرضا عن صدودها
أحبه وحبه في الحشا راسخ ٍ نشا=من اليوف ما تنطال حفره بلودها
ليته درى بالحال مني وليتني=ما وكد الفرقا عليه وعودها
ودعتهم ما هوب مسخي ببعدهم=وحراتهم يشوي حشايه وقودها
ونفسي أعاتبها وفي اليوف مني=رسايس كثر الندم ما يفودها
من اشتكي له حالتي من يثيبني=وصديقها ما ينعرف من حسودها
والله لو ما الخوف وادرى من الحيا=لا تبين الفرقا عليه شهودها
ولا اصيح واظهر بين لاضلاع عبرتي=وناوح الورقا على راس عودها
وبيح اسرار خفيه كتمتها=عن الواش لا يدري ويعلم سدودها
وانا يا شفاتي عقبكم شفت نفسي=ما نيلها منكم إلا ما يكودها
عافت لذيذ الماء والزاد والكرى=وتوحلت من هجركم في مغودها
الصبح يلفيني على الهم والعنا=والليل عيني دمعها في وسودها
يا الله ياللي ترجو الناس عفوه=مجيب وتدعوه الورى في سجودها
عسى لا خلت منكم عيوني وديرتي=وعدتم علينا من صغير وعودها
والختم صلى الله على سيد الورى=رسول الهدى ما هبت الريح نودها
بعداد ما غنت من الورق ساجعه=واعداد ما لامطار دنت رعودها