اهل الكرم والمروه قوم راكان...كم راس شيخ عفروا به ثراها

[المدوهج]

بسم الله الرحمن الرحيم


كان الشاعر بن خميس العطوي في زياره لعناد ابن مكراد الحبيش العجمي حيث تربط ه بهم صلة رحم قـديمه وعندما كنا بمجلس عناد كان جماعته يسألون عن اخبار بني عطيه ومنازلهم لأنهم لايعرفون الكثير عنها نظرا ً لتباعد ديار العجمان عن ديار بني عطيه حيث كانوا يقيمون في وادي العجمان قرب النعيريه
فقال هذه القصيده

قال الذي يبـدع مـن الشعـر قيفـان=جزل المثايـل مـن ضميـره بداهـا
في مجلس اللـي للمواجيـب سلطـان=نسـل الأسـود اللـي بعيـد ٍ مداهـا
حّـلال عسـرات القضايـا كحيـلان=معطـي العطايـا ماترجـى وراهــا
عناد ابن مكراد من سـاس عجمـان=من لابـة ال حّبيـش عـز قّصراهـا
اهل الفعول الماضيه طـوال الأيمـان=مشربـه سّـود اللحـاء عكـر ماهـا
عدوهم00خسران00خسران00خسران=ماحسـب الحسبـه ونفسـه نساهـا
شيوخ نسل شيوخ من ساس شيخـان=فهـود ٍ اسـود ٍ مايقـرب حمـاهـا
اهـل المـروه والكـرم قـوم راكـان=كم راس شيـخ ٍ عفـروا بـه ثراهـا
وكم بنت شيخ ٍ تنتخي روس فرسـان=عقب النخـاوي تنتعـي فـي نماهـا
هذا وانا من ساس قـوم ٍ لهـم شـان=فـي حومـة الميـدان تـروي قناهـا
بني عطيـه لأرتكـز عـج الأكـوان=سعوط 00روس المعددين 00ودواهـا
الي انتخوا 00مابين ملـح ٍ ودخـان=خلوا طيـور الحـوم تلقـى عشاهـا
من ضربهم 00كم فارس ٍ للوطـا لان=عقب الصعـاره حـدروا بـه وطاهـا
طليبهـم مايرقـد اللـيـل سـهـران=تضيـق بـه دنيـا وسيـع ٍ فضاهـا
وطنيبهم كنـه علـى شـط حـوران=في راس عيطا ملتجـي فـي ذراهـا
واللي زبنهـم يلحـق الهـم نسيـان=ريـف السنيـن الـي تزايـد بلاهـا
من القليبه00للكرك00قـول برهـان=وقت الحرايـب فـي حّماهـم قّراهـا
أقولهـا مـا قلـت زور ٍ وبهـتـان=افعالهـم قاصـي ودانــي دراهــا
وصـلاة ربـي عـد مابـارق ٍ بـان=واعداد هّمـال المطـر مـن سماهـا
على رسول الحـق للأنـس والجـان=المصطفى المبعـوث بأقـراء وطاهـا