القصاص

[شرس]

هـــذي قصتهــــا ان سلطـــان ابن رباح كان له خــوي يقاله محمــد بن عقيــل كان جمعتهم خــوة الدنيا من يوم هم صغــار على عــز ومعــزة كبروا وتزوج سلطان وجــاه ولــد وسمــاه على اسم خــويه محمـــد من زود ما يغليه كانوا يحبون المقانيص والصيد فاطلعــوا مرة الاثنين ما معهم ثالث ووقت بعــد صــلاة الظهـــر كان محمــد يصلح الغــداء وسلطان ينظــف الســلاح وكان فيه طلقة ما دراء عنهــا سلطان بالمخــزن ضغط الزناد وثار البنــدق ومات خـــويه وشــال خــويه وسلم نفســه وبــدو المشــايخ يتــوافدون على اهــل محمــد انهــم يتنــازلون عن سلطــان لاكــن للاسف وصلـــت الدية عشـــرة مليــون وارفضــوا الا راس براس صــدر الحكــم على سلطــان وقصــوا سلطان والصــدفة ان قبــر سلطــان كان بجنــب قبـــر محمــد فكــانوا اخـــوان بالدنيـــا جيـــران بالقبــور ...


ي

ا فــلاح الـهم خيــم فـوق قلبي يا فـلاح =كيـف تبغانـي اسولـف وانـت خابرنـي عليــل

ويش قولك في عليلاً بحياتـه ما ستراح =تنتثــر دمعـة عيونـه لاضلـم الليــل الطويــل

حالتــه لا ما تباعد حال سلطـان الرباح = بالخطــا راحــت حياته والخطــا ماله مثيــل

كان وياء صاحبه اثنين في ارضا براح = يطــردون الصيــد دايم من صبح لين المقيل

اجمعتهم صحبة الدنيا على جد ومزاح =مايهابــون الليالــي والحمــول الـي تميـــــل

ما قتــل عامد ولاكن ثور ابليس السلاح =بالخطــا ثـار الســـلاح وويـــن يلقاله دليل

وانعقــد سجنه وربعه تنتظــر فك السراح = والاكيد انه سجيناً ومارضــوا ربـع القتيـــل

هـل دمعــه يـوم صلـة ركعتيــن فالصباح =في نهــار الجمعــه الي مـن ثيقــلاً في ثقيــل

هلل وكبــر ونفســه تذكر الي راح راح =كان في ربعــه عزيـز وذلـه الوقــت الذليـــل

لا محمـد لا تهانـي لا سعـود لا صــلاح =كلهم كانــوا على بالــه وهمـه فـي هجيــل

طفلتــاً ما كملة عامين صايبها كساح = وانتــثـر دمعـه وحاله من سبايبهـا نحيـــــل

حان تنفيذ القصاص وغطوا الراس بوشاح =وجاك سيافه يشيل السيف ابو حــداً صقيل

ارتخاء راسه وزاد الموقف الحامي صياح =بين نوح وبين دمع وبين صيحـات وعويل

ارتفع صــوت الحشود وزاده محمد وصاح =يايبه تكفى دخيلك تستمع قول الدخيل

يا يبه وشلون نصبر كيف نهجع بارتياح = وانت من دنيا عيالك ماخذك مر الرحيل

يامحمد هاك علمي واحفظه قبل المراح = انتبه لخـوانك وبالك عليهم لا تعيل

والله الله بالصــلاة والصيام والصلاح = والله الله بامكم والله انها لكم بعدي كفيل

غمض عيونه ونفسه تطلب الله السماح = رافعـاً سبابته مضلوم والله الوكيل

وسل سياف الصفــا سيفه وطقه ثم طاح راس =سلطان المراجل وانتثر دمه يسيل

غسلــوه وكفنــوه وفاح ريــح الســدر فاح = بالمصـــادف صار قبـــره جنب قبـــر ابن العقيــل

يا فلاح الكارثة ماهي سوالف يا فلاح =خلني ساكت ودور غيــر هالقصــة بديل