يالحون العود ولا يامجارير الربابة لــ سلطان الهاجري

[نـاصـر]

يالحون العود والا يامجارير الربابه = إختلف معنى القصيد وضيّع الفنان فنه
حلم مدري علم مدري نوض برقٍ في سحابه = أثرها طلّة جبينه يوم زاح الليل منّه
أقبلت مثل الفرس لا سمعت طبول الحرابه= مقتفيها ليلٍ أسود والنجوم يفرّّقنّه
النهار يمر ويعدّي وليله في عقابه= النحر صبحٍ تجلّى والجدايل كنّهنّه
مخملٍ يلتفّ فوق الجيد الأتلع بالنيابه =عن سلاسيل الذهب والماس خوف يجرّحنّه
غاب عنّي والوله خلاّه عندي في غيابه =مادرى ان فرقاه نار ولا درى ان لاماه جنّه
ياوجودي وجد من صفّق على ماضي شبابه = بان شيبه والسنين اللي يبيهن خالفنّه
غرّته خضر السنين وراح عمره مادرى به =غرّرنّه وارفعنّه لين سجّ وحولنّه
وياوجودي وجد عودٍ لا عيال ولا قرابه = ماجداه إلا يونّ ويردف الونّه بونّه
مالقى فزعة رفيق ولا دعاةٍ مستجابه = كلّ ماامساله بظنّ خيّبت الايام ظنّه
هذا وجدي في غياب اللي نزح والله جابه = صح فرض الله فرض وسنّة المرسول سنّه
الغلا جسمٍ رقيق ومرهف احساسي ثيابه = مثل غصن الورد يوم الهبايب يطرقنّه
مازرعت إلا غلاه ولا نقلت إلا صوابه = والحشا ماضاق من خضر الطعون المستكنّه
ياحبيبي مازها كفّ الخضاب إلا خضابه = فيه نظم المفردات وفيه للعشّاق عنّه
الظبي ماله شبيه وبينك وبينه تشابه = إلتفت بشويش وألقى فيه منك وفيك منّه
خالقك من فضّل محمد على كلّ الصحابه = وسخّرك مثل المهار اللي تسخّرها الأعنّه
والثنا والشكر للي رحمته تسبق عذابه = لا لخلق الله شكر ولا لخلق الله منّه
قاله اللي ماخذا مما يريد إلا هبابه = خيرة الفارس ثنيّة خيل صفراً مستعنّه

صح السان الشاعر الكبير سلطان الهاجري

واتمنا الاختيار نال على أعجابكم

[زمانك]

صح السان ابن وسام على القصيده الجزله والقويه


Nasser..


اشكرك على الاختيار الرائع وتسلم .. والله يعطيك الف عافيه



لاهنت

[مــقــدام]

الظبي مالـه شبيـه وبينـك وبينـه تشابـه=إلتفت بشويش وألقى فيه منك وفيـك منّـه
خالقك من فضّل محمد على كلّ الصحابـه=وسخّرك مثل المهار اللي تسخّرها الأعنّـه

صح الله اللسان الشاعر سلطان الهاجري

ولاهنت اخي ناصر على اختيارك الرائع

وتقبل تحياتي

[مهرةٍ اصيلة]

مازرعت إلا غلاه ولا نقلـت إلا صوابـه=والحشا ((ماضاق)) من خضر الطعون المستكنّه

اختياراتك للـ قصايد يا بن هادي رائعـه .. خاصـة (( لإبن وسام ))
صح لسـانك ..

وصح لسـان سلطان بن وسام ..

وتسلم يمنـاك على النقل ..

ولاتحرمنا من ذالقصايد ..



تقبل كل الود ..
إختك .. مهرةٍ اصيله

[شرس]

ناصر

صح السانك ولسان الشاعر الكبير سلطان


ولاهنت


على الاختيار القمه


ولك اعذب واجزل تحيه

[الــحـشـاشـــه]

الظبي ماله شبيه وبينك وبينـه تشابـه
إلتفت بشويش وألقى فيه منك وفيك منّه


رووعــه

صح لسان الشاعر/ سلطان الهاجري

وسلمت يمينك يا ناصر على النقل الطيب والاختيار المميــز ..!

تقبل تـحياتي

[مناحي الصميل]

صح لسانك ولسانه

قصيده جميله
لا هنت

[@الشيــــــــــــنه@]

صح لسان الشاعر : سطان الهاجري


ويعطيك العافيه على النقل الراائع

[نـاصـر]

المشاركة الأصلية كتبت بواسطة ابو محمد الشامري

صح السان ابن وسام على القصيده الجزله والقويه


Nasser..


اشكرك على الاختيار الرائع وتسلم .. والله يعطيك الف عافيه



لاهنت

الأخ المحترم / ابو محمد الشامري

العفو والله يسلمك ويعافيك

لاهنت على المرور

[نـاصـر]

المشاركة الأصلية كتبت بواسطة مــقــدام

الظبي مالـه شبيـه وبينـك وبينـه تشابـه=إلتفت بشويش وألقى فيه منك وفيـك منّـه
خالقك من فضّل محمد على كلّ الصحابـه=وسخّرك مثل المهار اللي تسخّرها الأعنّـه

صح الله اللسان الشاعر سلطان الهاجري

ولاهنت اخي ناصر على اختيارك الرائع

وتقبل تحياتي

القدير / مقبل

ولاانت والرائع حضورك

سعدت جداً بحضورك واختيار ذائقتك لمتصفحي