شعراء شبكة العجمان في جريدة الوطن (2)

[فلاح بن ملبز]

السلام عليكم ورحمة الله وبركاته


اليوم في جريدة الوطن الشاعر /عبدالناصر الفهاد .. والشاعر / محمد المجول ... بقصيديتين رائعتين ..

___________




في البداية مع الشاعر عبدالناصر الفهاد على هذه الصفحه:

http://www.alwatan.com.kw/Default.as...396&pageId=335


عبدالناصر الفهاد.. شاعر مثقف وفنان في رسم القصيدة الثابتة على أرض البلاغة.. يحسن التصوير ويبدع في تركيب اروع الابيات بكل مترادفات الشعر.. فبعد غيبة عن النشر.. يعود بهذا المتميز الذي يعتبر من انتاجه الجديد الذي حرص عبدالناصر على نثر زهوره هنا.
فعبدالناصر شاعر يعرف كيف يحضر ومتى يغيب.. وان حضر قدم التميز بصدق العاطفة وحسن الاداء ...


شعر / عبدالناصر الفهاد

بتحدا الشوق فيني واكسره واعوقه=واذبح القلب الرهيف وابدله بصناعي
والعيون الدمع منها اغسله من موقه=لين يجف الريق فيها والغلا يرتاعي
والحنان يموت قسوة يابسات عروقه=والهشيم اللي بصدري مقبرته اضلاعي
لا بغيت اكون قاسي جملتي المنطوقه=الغلا وشهو الغلا شي وما له داعي
الجفا بانيه طابوقه على طابوقه=وان هجرت اعلقك بين السما والقاعي
شفت نومك من عيونك والله ان ابوقه=لذة الغفوة تخونك ساهرن ملتاعي
البعاد افل حبله واطلقه من طوقه=ما يرده كسر خاطر والفجوج وساعي
لا تقول يحن قلبي ينثني من شوقه=والجفا والهجر ما يركب على اطباعي
وان قلبي وسط صدرك قافلن صندوقه=وان مفتاحه مضعية الزمان وضاعي
لين غنالك على مواله وطاروقه=يطربك مرة..... ومرة يبكي الاسماعي
لد لي شوفك وفكرك لا تلوح بروقه=واكتبه بيت القصيدة يختصر الاوضاعي
لا توردني على ميراد طايح سوقه=وانت خابرني وعارف طرقتي واسناعي

_____________________






فالختام مع الشاعر محمد المجول على هذه الصفحه :

http://www.alwatan.com.kw/Default.as...389&pageId=335

الشاعر محمد المجول.. من الشعراء الموهوبين الذي نراهن على نجوميته في القريب العاجل، حيث ان شاعرنا ثري بكل ما تعنيه هذه الكلمة، ففي كل مصافحة يفتح لنا أبواب أفق عالمه الخاص الذي نقش على جدرانه حروف الابداع.
إنكم تذكرونه عندما تتذكرون الشعر الجميل والعذب...




شعر / محمد المجول

كيف أسامر طيف منسوج من وحي الخيال=وكيف أوصف نجمه سهيل بالحرف الغريق
لا محال إللي تقولون ياأهل المحال=أشهد إني قد كسرته ولاني مستضيق
ذاك ورد(ن) لا سقيته ونادى للتلال=وجاتك الغيمه تهل العباير للرفيق
والشموس إللي تناست تنور ذا الظلال=والقمر صاحب كسوفه وصاير له عشيق
لكن إن الواقع إللي يخالف ما يقال=لا إنقتل حلم وتهاوى على الوادي السحيق
والغرام إللي سكن بك غدى صعب المنال=وإبتدت في الجوف نار(ن) تصاحب ذا الشهيق
يا وجودي وجد شيخ (ن) بكى ظلم الليال=إنكروه أهله ولا له معيل ولا صديق
أو وجودي وجد دمع (ن) جرح خد الرجال=إنهمل عقب المعزه عقب ذاك البريق
السؤال إللي جوابه يجي نفس السؤال=لاسقاني من حروفه ولا بلل لي ريق
هيه ياللي تحسب إنك على روس الجبال=الزمن دوار والكون بالظالم تضيق
والله إني قادر أكتب خصالك ياغزال=خايف إني لاكتبتك نزف قلبي الرقيق
من يقول إن الليالي قريبه للزوال=مارأت عيني نهار(ن) دعا الصمت العميق
ياسحايب وين دمعك على نزف الهلال=الحزن عم البشر والكدر صاير طليق
ما بقالي من سروح الخيول إلا العقال=أكبح إجماح المعاني وقدم ما يليق

ــــــــــــــــــــــــــــــــــــــــــــ



تاريخ النشر: الاربعاء 18/5/2007

[المصـراني]

الله يبيض وجيهم على ذالقصايد الجزله
والله يبيض وجه مهدي العجمي معد الصفحه الشعريه

[فلاح بن ملبز]

المصراني

والله يبيض وجهك على مرورك الكريم

ولاهنت

[ناصر بن فالح]

صح الله لسانهم

وافين وافين

وبيض الله وجهك اخ فلاح على هذا النقل

وتمنياتنا بالتوفيق للاخوان الشعراء

[فلاح بن ملبز]

ارحب يا ارسطووو

وصح بدنك

والله يبيض وجهك على مرورك الكريم

ولاهنت

[الاحرش]

صح لسان الشاعر /عبدالناصر الفهاد



وصح لسان لشاعر محمد المجول



وبيض الله وجهك اخ فلاح على هذا النقل


واللة يفوقهم

[فلاح بن ملبز]

ارحب يا الأحرش

وصح بدنك

والله يبيض وجهك على مرورك الكريم

ولاهنت

[فالح بن عيد]

السلام عليكم ورحمة الله وبركاته
صح الله السان الجميع
وبيض الله وجهك يبن ملبز على المجهود
لاهنت

[فلاح بن ملبز]

المشاركة الأصلية كتبت بواسطة فالح بن عيد

السلام عليكم ورحمة الله وبركاته
صح الله السان الجميع
وبيض الله وجهك يبن ملبز على المجهود
لاهنت

وعليكم السلام ورحمة الله وبركاتة

ارحب يا ابو عيد

وصح بدنك

والله يبيض وجهك على مرورك الكريم

ولاهنت

[عبدالله العبيد]

الله لا يهينك يا ابن ملبز ومتقصر

تقبل مروري