بويتات من القديم الجديد 
عسا ان ترتقي لذائقتكم
ياللي ورى حدب المحانـي تمثنيـت = قلي كم اتلفت بمحبتـك وافنيـت ؟!
وانـا هويتـك لنخـاع وعشقـتـك = انشهـد انـي يـوم حبيـت حبيـت
ياما كتبـت انـي مخـاف المفـارق = وياما كتبت من الشمـوخ وتحديـت
طلعتنـي قـدام نفسـي ولا شــي = اسبلت دمعـي لآخـره يـوم قفيـت
والحين ماكني من اسبابـك افلسـت = وكني ماحبيتك وكنـي ماضحيـت !!
اتمرنـي مـر الغـريـم لغريـمـه = اموت واعرف ياغلا ويش سويت ؟!
خنتك ؟ تجاهلتك ؟ ظلمتك ؟ عصيتك ؟ = قصرت في حقك ؟ جرحتك ؟ تخليت ؟
ماسرع ذكرت انـي احـب اتسامـح = وماسرع نسيت اني لا صديت صديت
مرضـت فغيابـك ثلاثـيـن ليـلـه = مالك عذر ياصاحبـي يـوم ماجيـت
ان كنت تحسبني من حساب الاحيـاء = فأين حق العشره وجيـرة البيـت ؟!
وان كنت تحسبني من حساب الاموات = فأين وصل القبـر وزيـارة الميـت ؟!
وسلامتكم
العرض الشجري