من يحترم نفسه

[مهرة الصمان]

مساء الخير للجميع رواد هذا المنتدى العزيز على قلبي اهديكم هذه القصيدة واتمنى ان تقبلوها وهي مسندة الى اخت عزيزة وصديقه غاليه هي
(ترانيم الجفيا)والقصيدة تعبر عن نفسها

للشعر طـرق وللجفيـا ترانيـم = منـي لترانيـم الجفيـا سلامـي

أم الكفوف اللي عطاها كما الغيـم=اليا كشفت غرّ المـزون اللثامـي

ماهي من اللي ينعم الصوت تنعيم=بنت الرجال اللي لهـم بالسنامـي

واخت الرجال اللي لهم بالملازيـم=مواقف الحر العريـب القطامـي

يابنت انا جيتك هنا كنـي الديـم=لا تسئليني ليه مـدري علامـي

بعض القلوب الوانها كالمجاهيـم=كسى على وضح القلوب الضلامي

ناس ٍ رصيد عقولهـا بالملاليـم=تقبع ورى ذيك الوجيه الأسامـي

ناس ٍ مزاجيه تعكـس المفاهيـم=تبي تعذربني فقـط مـن كلامـي

ياما ورى باب السجن من مظاليم=وياما على البيدا مشى من حرامي

البنت ماترضى على الظلم والظيم=والحرة الحرة ماتقبـل تضامـي

شعري فرض نفسه مثل قايد الريم=موروث فكري من خوال وعمامي

ماني بحال الميم ومرادف الميـم=ارفع مقامي عن صغار المقامـي

من يحترم نفسـه هنـا ياترانيـم=يستاهل انـي ابادلـه باحترامـي