سعد ولد طامي عسى الله يخليه=فيه الوفى فيه الصخى والشهامه
ابمدحه مدحن من الهيه للهيه=عقب صبين مايثمن كلامه
الطيب راسه والمبادي مباديه=هو العريب اللي خواله عمامه
حاضره يشهد له على اطلال ماضيه=وريث عز وجود طيب وكرامه
سمه كرم سمه على اللي تسميه=ربعه هل الوقفات واهل الزعامه
الشعر شعري والمروه حراويه=ياقف وفاء ماهيب تبرد عظامه
وقف مع العجمي وهذي هقاويه=مراجله ماهيب شذب ونمامه
اسمع بذكره صدق واسمع بطاريه=والى مدحته ماعليه ملامه
هو فزعة المحتاج لاجاه ناصيه=نادر حرارن في روابي تهامه
تبطي لنا ايامه وتسعد لياليه=على شداد العز ماهو مسامه
مهوب يعطي القوس هذا لباريه=هذي دواوينه وهذي خيامه
اقولها والشعر هذا بخليه=ان كان ماله حبك هامه وقامه
بعض البشر دلون تخمه وتخطيه=الرجل يمدح والهلامه هلامه
09-06-2007, 03:28 AM
العرض الشجري