مرثية ابن قضعان في عبدالله بن بعيث الهاجري

[فزاع]

لقيتها امس في جريدة الوطن
وحبيتها تكون بينكم


مرثية الشاعر ضيدان بن قضعان في الشيخ عبدالله بن بعيث الهاجري ..رحمه الله..

ليت الحزن في عين دار الجديده=ونقول حزنأ مرنا مثل الاحزان
لكن حزن اليوم حاله فريده=حزنأ شمل كل القبايل والاوطان
حزنأ شمل يامأ بديده بديده=من قبل لايشمل مداغيش قحطان
حزنأ على شيخن علومه مجيده=يفرح به ضعوف ويتاما وضيفان
راعي يمين ماتمد الزهيده=يشهد على قولي طراقي وجيران
عبدالله بن بعيث محزم عضيده=لاضاعت الهقوات بفلان وفلان
شيخ ال الحمرا فالسنين الشديده=كم فرج الكربه وكم سد ديان
وكم من سجين فالدجى فك قيده=واعتق رقبة اللي بلا اعمام واخوان
يا حلفنا ياطيبين العقيده=ياصادقين الحلف مره وعجمان
عز الله انه راح منكم فقيده=شيخن جمع شيخه ومسجد وقرأن
ولملم شمل ربعه بعينه وبيده=وخلد لهم في قمة المجد عنوان
الراسي قاسي والمشابح بعيده=والقلب لين والعطيات سفطان
لو كل شيخن ياصل اللي يريده=ماميز الله شيخ من بين شيخان
من حبه الله حببه في عبيده=ومن يعمل المعروف يجزى بالاحسان
يالله عسى الروح الفقيده شهيده=وعسى عوضنا في طويلين الايمان
اعواله اللي كل منهم وليده=مقدامهم فهد وخالد ومشعان
روس الحرار النادرات العنيده=تخريجهم من مدرسة طير حوران
يالله عسى عقب الحياه السعيده=تجعل له الجنه مقرأ وعنوان

[برق الحيا]

الله يرحمك يالهاجري


وصح لسانك يابن قضعان


والله يعطيك ألف عافيه


أخوي رمان

ولايهينك

[فزاع]

حياك الله
واشكرك على الحضور طال عمرك

يعطيك العافيه يالغالي


اطيب تحيه لك

رمان

[aL_CaBoNi]

تسلم على النقل الرائع رمااااااااااان

[عيد بن شدقان]

الله يرحمه ويرحم اموات المسلمين



وصح السان الشاعر/ضيدان بن قضعان




ولاهنت يارمان

[dont play with me]

الله يرحم بن بعيث ويرحم اموات المسلمين اجميعا

امين يارب العالمين



والله لا يهينك ولا يهين ضيدان بن قضعان

[الـنايفه]

يالله عسى عقب الحياه السعيده
تجعل له الجنه مقرأ وعنوان..آللهم آميييين..

يعطيك الف عافيه على النقل وصح لسآن من قآلهآ

خآلص آلود

[فزاع]

اشكر جميع الاخوان على الحضور
والمرور الكريم

ادام الله وجودكم

ويعطيكم العافيه


اطيب تحيه وسلام


رمان

[مشعل العرجاني]

الله يبيحه وصح لسان ضيدان

[bird of shalwa]

الله يرحم الشيخ / عبدالله ابن بعيث

والله يغفر له ولــ أموات المسلين ,, شيخ ٍ وقور وشاع ذكره بالعلوم الطيبه والغانمه

والله يجعلها في رصيد حسناته

والله لا يهين ضيدان على القصيده اللي ماجوبها

ولاهنت يا رمان على النقل

تقديري وإحترامي لك