من كبـر حجـم العلاقـه كيـف بأبدا في .......

[فرز الوغا]

الــــــــــــلام عليكم


من كبـر حجـم العلاقـه كيـف بأبدا في القصيده
جـف ريقـي من لسانــي 0 آه ياكبــر الغبينـــه

جظ قلبـي من مكانـه وارتعــش وأبهــر وريـده
كل عـرق في ضميري ينطـق بآهات0 وينـه

كان قلبـي مايصـدق فيـك لوعـاتـه شـديده
جُبرعقلـي لين طاعـه من سنين ٍ طايعينــــه

آه ياقلب الندامـه صرت في جسمــي عميده
قلت هاذي قلب هـــاذي بالمحبــه مالكينـــه

صفقت معك المشــاعر واخلصت للي تريده
دوك ناظرفي المشاعر كل خصله جت حزينه

شف حبيبك يا فــؤادي تاه في جملــه مفيده
وانت تزرع له ورودٍ يومـــه آظهرلك حنينــه

كنت راســـم في حياتــي صــورةٍ جدا ً فريده
صــورةٍ لك ياحبيبــــه كنهـا الدره ثمينــه

كنت آوصـــف كل حبــي لأصـدقائي يامجيده
وآخذ الأرياء وآ فكر كيـف بتسير السفينـــه

كنت مخلص كان همي كيف بتكوني سعيده
كان قدرك في فــؤادي ياحبيبــه حافظينـــه

كان حبك هو غرامـي وانتـي بقلبــي وحيده
كان حبك في ضميري من سنين ٍ طابعينـه

آه من حلـــم حلمتــــه وآه من أشيـًا عديده
مـااتخيــــل كل هـذا بالسهـولـــه تاركينــــه

كانت آحــلام ٍ كثيـــره والمحبـه لك وطيده
نشتــري ورد السعـاده بالمحبـــه غارسينـــه

قد رضيتـي ان تكونـي في شموخـي من عبيده
لكن الأيــام تظهـــر الامــور اللــي دفينـــــه

إي نعـم كنت متوقع في وجـود أشيــًا جديده
ألاّ إن ســور المحبـــه يا حبيبـــه تهدمينـــه

مانفــع عـــذر ٍسمعتـــه مانفــع قلبــي نشيده
مانفع قولك حبيبـه0 القواعــد ذي متينــــه

آتفكر كيف يحصل والصدر وسطــه وقيده
بوضعك اللي قد عرفته ووضعي اللي تعرفينه

كنت عايش وسط حلم ٍ ياحبيبــه من يعيده
مرجهن ٍبه فــؤادي والضلـــوع المستكينـــه

لكن الواقــع تغيـّـر يومــك أصبحتــي بعيده
الاّ حبـك ماتغيّــر في الضميـــر مثبتينــــه

طـول وقتــي آتذكــر بالخصــال اللــي حميده
وقمت اردد لي قصيدٍ في شموخك ناظمينــــه

آتمنـــى لك سعـــاده في حيـــاة لك مديده
يومــك اخترتي طريقـك 0الوفــي الله يعينــه

كم بنتٍ قد بغتنــي لكـن إن نفســــي عنيده
شامـخ ٍدايـم كيانــي مااعتقــد حبك يهينـــــه

إمشي دروب السعــاده واتركـي درب المكيده
والله ان قلبـــي يحبــك حب مايقبـل ضغينـــه

دامت رمـوز التواصــل إنتهت حاجـــه أكيده
يوم رديتـي جوابـك ضـاع حلــم ٍمـرتجينـــــه

لو تعذرتــي حبيبـــه من فــؤادٍ ضــاع قيده
كل درب عارفـــين وكل عــذرٍ خابرينـــــــه

آتضـــح نسبــــه نجاحـــك في حياتــك يابليده
كلها اصفــارٍ توالت صدق لـوك بتنكرينــــــه

من ثقـــه بالنفــس دايــم ضيّع الصيــاد صيده
ياحبيبـــه قهـــرك اللي تعملينـــه تشربينــه

أما أنــا عايــــش أسيــّر دنيتــي بأريًا سديده
ماتغيّـر زوبعــة فنجــال00 بعقــول ٍرزينـــه