((..المدمــــــن...لمشــــاري المـــــري..))

[نبض المعاني]

يقول الشاعر الرائع مشــــــاري المــــــري

عزي لقلبي من صدوف الوقت ولسان الكذوب=اللي حلوفه لجل ياخذ حاجته يكذبّها
وعزي لصدري كل مالقيت وجهي للهبوب = وذكرت لي بنتٍ نذر لآآآموت وآنااحبّها
اللي كلت قلبي مثل ماياكل المدمن حبوب= تنسيه أيّام وليالي من عناه أذنبّها
بنتٍ حكاها فيه حنكه قايد وهرجة لعوب = الفتنه اللي كل من ناظر بها يعجبّها
فتنه .. ما يفتنها جمال وصيت وإرخايه جيوب= مهيب لعبه .. كل من يعجب بها يلعبّها
لأنها من رجالٍ تعز الظيف وتعشق الحروب=وما كل من وده ينب ديارهم بينبّها
عسره ولا في قلبها غيري من الناس محبوب = كن صوري بكفوفها وعيونها وبلبّها
تحبني .. وتردد أبياتي بها في كل صوب = وغيري .. لامنّه ماقدر يلفت نظرها .. سبّها
وأحبها وآآموت فحكاها وأقدرها وأذوب = لا حاولت إنها تبيّن لي خفايا حبّها
تعتاش من حبّي لها من الشمال الى الجنوب = وأمسي بها وأصبح بها وأشمل بها وأجنبّها
لكنها طاعت هوات المدحه كبار الجنوب = اللي تعبّي مائدة آمالها .. وتكبهّا
صدّت .. وأنآالبّي صدى همساتها في كل صوب = والى سكتّ يقول لي قلبي طلبتك لبّها
نوب أحلف إنها دبّرت دبّاره الموفي .. ونوب = أعلق أمالي ما بين ( الظاهر إن ) ,, ( وآآربّها )
حبيبتي .. لا تتركيني في متاهات الدروب = مثل الذي راح لوطن من خلقته ماطبّها
حبيبتي .. يحلا النجاح الى حصل عقب الرسوب = وانتي !! مناهج فالحياه انجح بها وأرسبّها
حبيبتي .. من كثر شوقي لك أحس إني بذوب = حبيبتي .. داوي جروحي بالوصل ياطبّها
وإن كان فيني عيب ؟! فلأنسان مسكان العيوب = وماكلّ من وده يذبّ النايفه بيذبّها
ودام إن ظوّ الهجر فيني من شبوب الى شبوب = الله يقطع .. من جمع عيدانها ثم شبّها

وسلامتكم

اخوكم

نبـــــــــــــض المعـــــــــاني